سابق ممبر پارلیمنٹ اور عوامی وفود نے لیفٹیننٹ گورنر سے ملاقات کی

سابق ممبر پارلیمنٹ اور عوامی وفود نے لیفٹیننٹ گورنر سے ملاقات کی
سری نگر/18جولائی/سابق ممبر پارلیمنٹ اور وائس چیئرمین جموںوکشمیر حج کمیٹی چودھری طالب حسین نے راج بھون میں لیفٹیننٹ گورنر منوج سِنہا سے ملاقات کی۔سینئروائس پریذیڈنٹ جے اینڈ کے اَپنی پارٹی جی ایچ میر نے لیفٹیننٹ گورنر سے ملاقات کی اور محرم الحرام کے اِنتظامات پر تبادلہ خیال کیا۔اِس سے قبل کشمیر کے آل مائنارٹی ایمپلائز ایسو سی ایشن کے ایک وفد لیفٹیننٹ گورنر سے ملاقی ہوا اور اَپنے مسائل لیفٹیننٹ گورنر کے گوش گزار کئے۔ریاض احمد پوسوال کی قیادت میں بکروال کمیونٹی کے ایک وفد نے بھی لیفٹیننٹ گورنر سے ملاقات کی اور مسائل او رمطالبات کی یاد داشت پیش کی۔لیفٹیننٹ گورنر نے وفود کے اَرکان کو بغور سنا اور اُنہیں ان کی جانب سے پیش کردہ مسائل اور مطالبات کی مناسب ازالے کی یقین دہانی کی۔