جتن کشور نے ڈائریکٹر انفارمیشن کا چارج سنبھالا

جتن کشور نے ڈائریکٹر انفارمیشن کا چارج سنبھالا
جموں….انفو….مسٹر جتن کشور نے ڈائریکٹر انفارمیشن کا چارج سنبھال لیا ۔ چارج سنبھالنے کے بعد ڈائریکٹر نے محکمے کے افسران کے ساتھ ایک مختصر تعارفی میٹنگ کی جس کے دوران انہوں نے محکمہ کی سرگرمیوں اور بنیادی اہلیت کو مزید مضبوط کرنے کی ضرورت پر زور دیا تا کہ اس کی رسائی کو زیادہ سے زیادہ کرنے کیلئے جدید اور نئے میڈیا پلیٹ فارم متعارف کرائے جائیں ۔ ڈائریکٹر موصوف نے افسران سے عوام تک درست معلومات کی بروقت فراہمی ، شفافیت کو فروغ دینے ،حکومت اور جموں و کشمیر کے شہریوں کے درمیان مواصلاتی ذرایع کو بڑھانے پر زور دیا ۔ بعد ازاں ڈائریکٹر موصوف نے کمپلیکس کا چکر لگایا اور ملازمین سے بات چیت کی ۔ دریں اثنا ڈی آئی پی آر کے افسران اور اہلکاروں نے سبکدوش ہونے والے ڈائریکٹر منگا شیرپا کو بھی پیار سے الوداع کیا جنہیں ڈپٹی کمشنر بارہمولہ تعینات کیا گیا ہے ۔