سرینگر//میونسپل کمیٹی پامپورہ سے تعلق رکھنے والے متعدد کونسلرز آج اپنی پارٹی میں شامل ہوگئے ہیں۔ ان سبھی اشخاص نے سرینگر میں اپنی پارٹی کے صدر دفتر پر منعقدہ تقریب میں پارٹی کے قائد سید محمد الطاف بخاری کی موجودگی میں پارٹی میں باضابطہ طور شامل ہوجانے کا اعلان کیا۔ اس موقعے پر سید الطاف بخاری نے اُن کا خیر مقدم کرتے ہوئے کہا کہ نئے لوگوں کی پارٹی میں شمولیت سے پارٹی ہر گزرنے والے دن کے ساتھ مضبوط ہوتی جارہی ہے۔
اُنہوں نے کہا کہ جموں کشمیر کی روایتی سیاسی جماعتوں کے سیاسی استحصال، جو یہاں دہائیوں سے جاری ہے، کا توڑ صرف اور صرف اپنی پارٹی ہے۔ انہوں نے کہا کہ اپنی پارٹی نے جموں کشمیر کے عوام کو استحصالی سیاست نجات دلانے کا تہہ کررکھا ہے۔ سید الطاف بخاری نے پارٹی میں نئے شامل ہونے والوں سےمخاطب ہوکر کہا کہ اپنی پارٹی میں اُنہیں عوام کی خدمت کرنے کا بھر پور موقعہ فراہم ہوگا اور اس مشن میں پارٹی کی قیادت ہمیشہ اُن کے شانہ بہ شانہ کھڑی ہوگی۔
اس موقعے پر سید محمد الطاف بخاری کے علاوہ پارٹی کے صوبائی صدر کشمیر محمد اشرف میر، سابق رکن اسمبلی بٹہ مالو اور ضلع صدر سرینگر نور محمد شیخ، سٹیٹ سیکرٹری اور ضلع صدر بڈگام منتظر محی الدین، میڈیا ایڈوائزر فاروق اندرابی، ڈی ڈی سی سرینگر کے چیئر مین آفتاب ملک، ایس ٹی ونگ کے جنرل سیکرٹری خالد بڑھانہ، فیاض شاہ، عبد الحمید بخشی اور دیگر کئی لوگ موجود تھے۔ جن اشخاص نے آج پارٹی میں شمولیت اختیار کی، اُن میں عرفات خان، محمد شفیع، سائمہ جان اور اسداللہ ڈار شامل ہیں۔
