سری نگر….انفو…………سیکرٹری صحت وطبی تعلیم ڈاکٹر سیّد عابد رشید شاہ جو سکمز کا چارج بھی سنبھال رہے ہیں ، نے میٹرنٹی ہسپتال سکمز کا دورہ کیا اور اِس کی کارکردگی کا جائزہ لیا۔ اُنہوں نے عملے اور مریضوں سے تفصیلی بات چیت کی۔ اُنہوں نے مریضوں کو دستیاب طبی سہولیات کا جائزہ لینے کے لئے سکمزکے میٹرنٹی ہسپتال اور او پی ڈی سروس ائیریاز کا چکر لگایا۔اُنہوں نے ہسپتال کے وارڈوں، کیجولٹی ائیریا، آپریشن تھیٹروں اور او پی ڈی ائیریاز کا دورہ کیااوراُنہوں نے وہاں مریضوں سے تفصیلی اِستفساری گفتگو کی۔میڈیکل سپراِنٹنڈنٹ میٹرنٹی ہاسپٹل اور ایچ او ڈی گائنی اینڈ اوبسٹیٹرکس نے دیگر سینئر فیکلٹی کے ساتھ مل کر سیکرٹری صحت و ڈائریکٹرسکمز کو بنیادی ڈھانچے کی موجودہ صورتحال ،ضروری اَدویات و آلات کی دستیابی سمیت ہسپتال کے کام کاج کے بارے میں آگاہ کیا۔سیکرٹری موصوف نے مختلف طبی سہولیات کا جائزہ لیتے ہوئے کہا کہ ہسپتال کی فیکلٹی اور عملہ مریضوں کی طبی خدمات کی بہترین کارکردگی کو یقینی بنائیں اور ان سے مستفید ہونے کے لئے ہسپتال کے کام کاج کو بہتر بنائیں۔ڈاکٹر سیّدعابد رشیدشاہ نے سکمز کے او پی ڈی سروس ائیریاز کا بھی دورہ کیا اور مریضوںکی دیکھ ریکھ کی مختلف سہولیات کا جائزہ لیا۔ اُنہوں نے ہسپتال میں زمینی صورتحال اور مریضوں کی نگہداشت سہولیات کی دستیابی کا جائزہ لینے کے لئے ڈیوٹی پر موجود ڈاکٹروں ، مریضوں اور تیمارداروں سے بات چیت کی۔
سیکرٹری صحت و طبی تعلیم نے میٹرنٹی ہسپتال سکمز کی کارکردگی کا لیاجائزہ
