سرینگر/20اپریل /شہر سرینگر کے حبہ کدل حلقہ انتخاب سے تعلق رکھنے والے سیاسی کارکنان کی ایک بڑی تعداد نے اپنی پارٹی میں شمولیت اختیار کی۔ اس ضمن میں پارٹی کے صدر دفتر سرینگر میں ایک تقریب کا انعقاد کیا گیا تھا، جس میں پارٹی کے سربراہ سید محمد الطاف بخاری نے نئے اراکین کا پارٹی میں شمولیت پر استقبال کیا۔ نئے اراکین کی پارٹی میں شمولیت اور اس ضمن میں منعقدہ تقریب کا اہتمام پارٹی کے سینئر نائب صدر ضلع سرینگر اور حبہ کدل حلقہ انتخاب کے پارٹی انچارج جیلانی حمید کمار نے کیا تھا۔پارٹی جوائن کرنے والوں میں شفاعت حسین وانی، شبیر احمد بٹ، فیاض احمد گنائی اور ان کے ساتھی اور کارکنان کی ایک بڑی تعداد شامل تھے۔ اس موقع پر پارٹی کے سربراہ سید محمد الطاف بخاری اور دیگر معزز رہنماو¿ں نے نئے شامل ہونے والوں کا پ±رتپاک استقبال کیا اور انہیں یقین دلایا کہ جب وہ اپنے اپنے علاقوں میں عوام کی خدمت میں جھ±ٹ جائیں گے تو پوری پارٹی قیادت ان کے ساتھ شانہ بہ شانہ کھڑی ہوگی۔انہوں نے کہا کہ ”اپنی پارٹی میں آپ کا استقبال کرتے ہوئے مجھے بے حد خوشی ہو رہی ہے۔ مجھے یقین ہے کہ آپ کی شمولیت سے حلقہ حبہ کدل میں پارٹی مزید مضبوط ہوگی۔ میں آپ کو یقین دلاتا ہوں کہ آپ پارٹی کی قیادت آپ کے علاقے کے لوگوں کی خدمت کے لیے آپ کی سرگرمیوں میں آپ کو مکمل تعاون فراہم کرے گی۔“سید محمد الطاف بخاری کے علاوہ اس تقریب میں پارٹی کے جو سرکردہ لیڈران موجود تھے، ا±ن میں سابق رکن اسمبلی اور پارٹی کے ترجمان یاور دلاور میر، سٹیٹ کنوینر اور ضلع گاندربل کے پارٹی انچارج حاجی پرویز احمد، صوبائی نائب صدر کشمیر مظفر رضوی، ضلع صدر سرینگر نور محمد شیخ، ضلع سکریٹری سرینگر پیر وجاہت نبی، یوتھ ونگ کے صوبائی صدر خالد راٹھور، بڈشاہ نگر کے سابق کارپوریٹر اعجاز رسول بٹ، سینئر لیڈر سید مزمل رضوی، اور دیگر لیڈران شامل تھے۔
حبہ کدل سے تعلق رکھنے والے سیاسی کارکنان کی ایک بڑی تعداد اپنی پارٹی میں شامل ہوئی
