سرینگر: وادی میں آم آدمی پارٹی کے ایک بانی رکن اور اسکے جنرل سیکرٹری یونس احمد ملک آج اپنے ورکروں اور حامیوں سمیت جموں کشمیر اپنی پارٹی میں شامل ہوئے ہیں۔موصولہ بیان کے مطابق ضلع کولگام کے اسنور دمحال ہانجی پورہ سے تعلق رکھنے والے یونس ملک نے اپنی پارٹی کے صدر دفتر سرینگر میں ایک اہم تقریب میں اپنی پارٹی پارٹی میں شمولیت کا اعلان کیا۔ اس موقعے پر پارٹی کے سربراہ سید محمد الطاف بخاری نے اُن کا اُن کے ساتھیوں کا اپنی پارٹی میں خیر مقدم کی
ا۔اس موقعے پر پارٹی جو اہم لیڈران موجود تھے، اُن میں پارٹی کے صوبائی صدر محمد اشرف میر، سٹیٹ سیکرٹری منتظر محی الدین، پارٹی کے چیف کارڈی نیٹر عنبدالمجید پڈر، میڈیا ایڈوائزر فاروق اندرابی، ڈی ڈی سی سرینگر کے چیئر مین ملک آفتاب، ضلع صدر سرینگر نور محمد شیخ، جنرل سیکرٹری ایس ٹی ونگ خالد بڑھانہ، فیاض شاہ، عبدالحمید بخشی اور دیگر کئی لیڈران شامل تھے۔پارٹی میں نئے شامل ہونے والوں کا خیر مقدم کرتے ہوئے سید محمد الطاف بخاری نے کہا، “میں آپ لوگوں کو اپنی پارٹی میں شمولیت کا تہہ دل سے خیر مقدم کرتا ہوں۔
سینئر سیاسی کارکنان کو اپنی پارٹی میں شامل ہوتے ہوئے دیکھ کر مجھے بے حد خوشی ہوتی ہے کیونکہ اس سے پارٹی کو مزید تقویت ملتی ہے۔ ” انہوں نے مزید کہا، ” میں آپ کو یقین دلاتا ہوں کہ جب آپ عوام کی خدمت میں لگ جائیں گے تو اپنی پارٹی کی ساری قیادت آپٌ کے شانہ بہ شانہ کھڑی ہوگی۔”سید محمد الطاف بخاری نے مزید کہا، “چونکہ اب آپ اپنی پارٹٰی کا حصہ ہیں، میں چاہوں گا کہ آپ عوام کے ساتھ زمینی سطح پر رابطے میں رہیں اور ان کے مسائل کو اُجاگر کرنے اور اُنہیں حل کرانے میں اپنے کردار ادا کریں۔
اس کے علاوہ آپ کی ذمہ داری ہے کہ عوام تک اپنی پارٹی کے لائحہ عمل کو پہنچا دیں۔ ہر فرد کو پتہ ہونا چاہیے کہ اپنی پارٹی کا مقصد جموں کشمیر میں امن، خوشحالی اور ترقی ہے اور ہم یہاں کے عوام کی سیاسی اور معاشی خود اختیاری کے لئے کام کررہے ہیں۔”
