نئی دلی// مرکزی وزیر مملکت (آزادانہ چارج( سائنس اور ٹیکنالوجی ڈاکٹر جتیندر سنگھ نے سرکاری ایجنسیوں بشمول سائنس اینڈ ٹیکنالوجی، ٹیکنالوجی ڈیولپمنٹ بورڈ اور بی آئی آر اے سی سے کہا ہے کہ وہ ممکنہ اسٹارٹ اپس تک پہنچیں اور ان کی مدد کریں۔ انہوں نے کہا کہ اس طرح، ہم بہت سے ایسے قابل اختراعی ذہنوں سے محروم نہیں رہیں گے جن کے سٹارٹ اپ پہل نے ناکافی مدد یا وسائل کی وجہ سے کامیابی حاصل نہیں کی ہو گی۔
مرادآباد، یوپی میں “سائنس پرسوٹ فار انسپائرڈ ریسرچ ( انسپائر) ‘‘پروگرام سے فائدہ اٹھانے والوں پر ایک بات چیت کے اجلاس میں طلباء اور فیکلٹی سے خطاب کرتے ہوئے، ڈاکٹر جتیندر سنگھ نے اختراعی نوجوان ذہنوں اور ممکنہ اسٹارٹ اپس کے لیے ملک بھر میں بڑے پیمانے پر تلاش شروع کرنے پر زور دیا۔ جو ہندوستان کی مستقبل کی معیشت کو تشکیل دینے جا رہے ہیں۔
وزیر نے اس بات پر روشنی ڈالی کہ انسپائر اسکیم معیاری انسانی وسائل کی پائپ لائن بنا کر اور ٹیلنٹ پول کو فروغ دے کر ملک کے آر اینڈ ڈی کی بنیاد کو بڑھا رہی ہے۔ انہوں نے اس بات پر زور دیا کہ ہندوستان کو باصلاحیت نوجوان طلباء کو سائنس کی طرف راغب کرنے کی ضرورت ہے اور انہیں ان کے اسکول کے زمانے سے ہی ایک معاون، تخلیقی اور چیلنج بھرا تعلیمی ماحول فراہم کرنا ہے تاکہ وہ اختراعی منصوبوں کے ذریعے کامیاب کاروباری اور روزگار فراہم کرنے والے بن سکیں۔
انسپائر فیلوشپس، انسپائر اسکالرشپس اور انسپائر مانک کے 100 سے زیادہ طلباء/ استفادہ کنندگان نے پروگرام میں حصہ لیا۔اس سال مئی میں وزیر اعظم نریندر مودی کے ماہانہ ریڈیو خطاب ‘ من کی بات کا حوالہ دیتے ہوئے، جس میں مودی نے کہا، “آج ہندوستان کا اسٹارٹ اپ ایکو سسٹم صرف بڑے شہروں تک محدود نہیں ہے، بلکہ چھوٹے شہروں اور قصبوں سے بھی کاروباری افراد ابھر رہے ہیں جو ظاہر کرتا ہے کہ ہندوستان میں، جس کے پاس اختراعی آئیڈیا ہے، وہ دولت پیدا کر سکتا ہے” ڈاکٹر جتیندر سنگھ نے کہا، مختلف رپورٹس کے مطابق، تقریباً 50% اسٹارٹ اپ کا تعلق ٹائر-2 اور ٹائر-3 شہروں سے ہے، جو کئی ریاستوں اور شہروں میں پھیلے ہوئے ہیں جہاں مواقع موجود ہیں اوران کے وسائل نسبتاً کم ہیں۔
