وزیر اعظم مودی اجلاس میں شرکت کیلئے چین کا دورہ کریں گے

سرینگر….06اگست… سی این آئی ….گلوان وادی میں بھارت اور چینی فوجی کے مابین تصادم کے بعد پہلی بار وزیر اعظم نریندمودی 31 اگست سے 1 ستمبر تک ہونے والے شنگھائی تعاون تنظیم کے سربراہی اجلاس کیلئے چین کا دورہ کریں گے ۔ سی این آئی کے مطابق وزیر اعظم نریندر مودی کے 31 اگست سے 1 ستمبر تک ہونے والے شنگھائی تعاون تنظیم کے سربراہی اجلاس کے لیے چین کا دورہ کرنے کا امکان ہے۔سال 2019 اور 2020 میں گلوان جھڑپوں کے بعد یہ وزیر اعظم مودی کا بیجنگ کا پہلا دورہ ہوگا۔ انہوں نے حال ہی میں صدر شی جن پنگ سے اکتوبر 2024 میں روس کے شہر کازان میں برکس سربراہی اجلاس کے موقع پر ملاقات کی۔دونوں رہنماو¿ں کی کازان میں اہم ملاقات کے بعد، ہندوستان اور چین نے لداخ کے دو اہم مقامات ڈیپسانگ اور ڈیمچوک میں فوجیوں کو ہٹانے کے منصوبوں کا اعلان کیا تھا جہاں 2020 سے ہندوستانی اور چینی فوجیں جھڑپیں ہوئی تھیں۔اس سے قبل جولائی میں سال 2020 میں مشرقی لداخ میں لائن آف ایکچوئل کنٹرول کے ساتھ چینی اور ہندوستانی فوجیوں کے درمیان فوجی تعطل کے آغاز کے بعد سے اپنے پہلے دورہ چین پر، وزیر خارجہ ایس جے شنکر نے بیجنگ میں صدر جن پنگ سے ملاقات کی اور انہیں دوطرفہ تعلقات میں “حالیہ پیش رفت” کے بارے میں آگاہ کیا، دونوں ممالک کے درمیان تعلقات کی بحالی کے لیے اقدامات کیے گئے ہیں۔