نریندر مودی کے دور اقتدار میں بھارت بدل گیا / امیت شاہ

سرینگر…08اگست …سی این آئی….. نریندر مودی کے دور حکومت بھارت آج مختلف ہے کا دعویٰ کرتے ہوئے وزیر داخلہ امیت شاہ نے کہا کہ جب بھی ملک کے دشمنوں نے ہمیں للکارا تو ہم نے گھر میں گھس کر انہیں مارا ۔ شاہ نے دعوی کیا کہ یو پی اے کے دور حکومت میں ہندوستان میں اکثر دہشت گرد حملے ہوتے تھے اب جب ہم نے آپریشن سندور کیا تو وہ سوال اٹھانے لگیں ۔ سی این آئی کے مطابق مرکزی وزیر داخلہ امیت شاہ نے بہار میں انتخابی فہرستوں کی خصوصی نظرثانی پر اعتراض کرنے پر اپوزیشن پارٹیوں کو تنقید کا نشانہ بناتے ہوئے کہا کہ دراندازوں کو ووٹ ڈالنے کا حق نہیں ہے۔ سیتامڑھی ضلع کے پنورادھام میں ایک جلسہ عام سے خطاب کرتے ہوئے امیت شاہ نے کہا ” دراندازی کرنے والوں کے نام ووٹر لسٹوں سے ہٹائے جانے چاہئیں۔ انہیں ووٹ دینے کا کوئی حق نہیں ہے۔ لیکن آر جے ڈی اور کانگریس بہار میں ایس آئی آر کی مخالفت کر رہے ہیں کیونکہ فہرستوں سے دراندازوں کے ناموں کو حذف کیا جا رہا ہے۔“آپریشن سندور پر اپوزیشن جماعتوں کے موقف پر امیت شاہ نے دعوی کیا کہ یو پی اے کے دور حکومت میں ہندوستان میں اکثر دہشت گرد حملے ہوتے تھے۔انہوں نے کہا ”اب نریندر مودی جی کے دور حکومت میں ہندوستان مختلف ہے۔ ہمارے فوجیوں نے دہشت گردوں کو ان کے ٹھکانوں میں مار ڈالا۔ لیکن آر جے ڈی اور کانگریس کے لیڈر آپریشن سندورکی مخالفت کر رہے ہیں۔ “ انہوں نے یہ بھی زور دے کر کہا کہ آنے والے اسمبلی انتخابات میں این ڈی اے حکومت بنائے گی۔وزیر داخلہ امیت شاہ نے کہا کہ جب بھی ملک کے دشمنوں نے ہمیں للکارا تو ہم نے گھر میں گھس کر انہیں مارا ۔ شاہ نے دعوی کیا کہ یو پی اے کے دور حکومت میں ہندوستان میں اکثر دہشت گرد حملے ہوتے تھے اب جب ہم نے آپریشن سندور کیا تو وہ سوال اٹھانے لگیں ۔ شاہ نے یہ بھی الزام لگایا کہ آر جے ڈی نے ریاست میں اپنی حکمرانی کے دوران غنڈہ گردی کی حوصلہ افزائی کی۔