کپوارہ//جے کے این ایس//شمالی کشمیر کے کپوارہ کے ٹنگڈار سیکٹر میں لائن آف کنٹرول پر در اندازی کی کوشش کو ناکام بنانے کے دوران ہونے والے انکاؤنٹر میں ایک فوجی جوان اور ایک جنگجو ہلاک ہوگیا۔جے کے این ایس کے مطابق دفاعی ذرائع نے بتایا کہ سرحدی ضلع کپوارہ کے ٹنگڈار سیکٹرمیں لائن آف کنٹرول پر سیکورٹی فورسز جوانوں نے جمعے کی علی الصبح مشکوک نقل و حمل دیکھی۔ذرائعنے کہا کہ فوجی جوانوں کے چیلنج پر در اندزوں نے فائرنگ شروع کردی جس کا جواب دیا گیا،جسکے نتیجے میں طرفین کے درمیان ایک انکائونٹر شروع ہوگیا،جوکچھ وقت تک جاری رہا۔
دفاعی ذرائع کا کہنا تھا کہ گولیوں کے تبادلے کے نتیجے میں دراندازی کرنے والا ایک ملی ٹنٹ ہلاک ہوگیا جبکہ ایک فوجی جوان زخمی ہوگیا۔مذکورہ ذرائع نے کہا کہ زخمی فوجی جوان کو فوری طور نازک حالت میں ہسپتال منتقل کیا گیا جہاں وہ زخموں کی تاب نہ لا کر دم توڑ گیا۔مہلوک فوجی جوان کی شناخت6 جے اے کے سے وابستہ جسویر سنگھ کے بطور ہوئی ہے۔انہوں نے کہا کہ مارے گئے ملی ٹنٹ کی نعش ایل ائوسی کے نزدیک سے ملی جبکہ جائے انکائونتر سے ایک اے کے47 رائفل، 4 پستول، تی3 اے کے47 میگزین، 3 پستول میگزین، 5 ہینڈ گرینیڈ اور دیگر اسلحہ و وگولی بارود برآ مد کیاگیا۔
دفاعی ذرائع نے بتایاکہ لائن آف کنٹرول کے نزدیک واقع جنگل والے علاقے کو محاصرے میں لے کر بڑے پیمانے پر تلاشی آپریشن شروع کر دیا گیا،کیونکہ شبہ ہے کہ فائرنگ کے تبادلے کی آڑمیں کچھ ملی ٹنٹ اسپار داخل ہوکرجنگل میں چھپے ہوسکتے ہیں ۔
