لیفٹنٹ گورنر نے سرینگر میں پشمینہ آرٹیزن ایوارڈز تقریب میں جموں و کشمیر کے دستکاروں کو عزت دی

سرینگر ….24 اکتوبر /انفو/لیفٹنٹ گورنر مسٹر منوج سنہا نے لوگوں سے اپیل کی کہ وہ ” مقامی مصنوعات خریدیں اور ہمارے عظیم دستکاروں کو بااختیار بنائیں “ ۔ لفٹینٹ گورنر آج سرینگر میں ” پشمینہ انٹر پرنیور ز میکرز اینڈ آرٹیزنز فاو¿نڈیشن “ کے زیر اہتمام پشمینہ آرٹیزن ایوارڈز تقریب سے خطاب کر رہے تھے ۔ انہوں نے کہا کہ ملک کے ہر گھرانے کو یو ٹی کے ماہر دستکاروں کی بنائی ہوئی تخلیقی مصنوعات خریدنی چاہئیں ۔ لیفٹنٹ گورنر نے کہا ” مجھے یقین ہے کہ ملک کی بڑھتی ہوئی متوسط طبقہ ، جو 2030 تک آبادی کا نصف سے زیادہ حصہ بن سکتا ہے ، جموں و کشمیر کے ہاتھ سے بنے مصنوعات کیلئے ایک مضبوط گھریلو مارکیٹ بنائے گا “۔ ہُنر مندوں کی دستکاری اور مہارت کو اجاگر کرتے ہوئے لفٹینٹ گورنر نے کہا کہ جموں و کشمیر ایک بھر پور تخلیقی روایت کا ذخیرہ ہے ، جو اس کی منفرد اور اختراعی ہاتھ سے بنے مصنوعات میں ظاہر ہوتا ہے ۔ انہوں نے یہ بھی نوٹ کیا کہ 2020 سے مختلف اقدامات نے نمایاں نتائج دئیے ہیں ، جن سے یو ٹی کے دستکاری کے برآمدات کو فروغ ملا اور اسے عالمی دستکاری مارکیٹ میں ایک منفرد کھلاڑی کے طور پر پیش کیا گیا ۔ لیفٹنٹ گورنر نے کہا ” آئیے ہم ہنر مند ہاتھوں سے بنائی گئی مصنوعات کی عزت اور قدر کریں ۔ یہ ہاتھ صرف ایک مصنوعات نہیں بناتے ، بلکہ ہر دھاگے ، ہر پیچیدہ ڈیزائن اور لطیف رنگوں کے ذریعے جادو بُنتے ہیں ۔“ لیفٹنٹ گورنر نے دستکاری اور ہتھ کرگھا سیکٹر کو مضبوط بنانے اور برآمدات کو فروغ دینے کیلئے حکومت کی طرف سے کئے گئے مختلف اقدامات کو اجاگر کیا ۔ انہوں نے کہا کہ وزیر اعظم جناب نریندر مودی کی رہنمائی میں نئی اسکیموں اور پالیسی مداخلتوں کے ساتھ ساتھ مضبوط انفراسٹرکچر کی ترقی نے نوجوان اور ماہر ہنر مندوں کو جامع تعاون فراہم کیا اور یو ٹی کے منفرد ثقافتی اور فنکارانہ ورثے کو بحال کیا ۔ لیفٹنٹ گورنر نے تمام متعلقہ محکموں سے کہا کہ وہ نئی جی ایس ٹی اصلاحات سے کاریگروں کو براہ راست فائدہ یقینی بنائیں ۔ انہوں نے جموں و کشمیر کے خوبصورت فن کو بڑے ہوائی اڈوں ، شاپنگ مالز اور ای کامرس سائٹس پر ہندوستان اور بیرون ملک زیادہ نمایاں کرنے پر زور دیا اور پروڈکٹ کے پیچھے ہنر مند ہاتھوں کو تسلیم کرنے کی ضرورت پر زور دیا ۔ انہوں نے مزید کہا کہ ہمیں ان شہروں اور دیہاتوں کو بھی عالمی دستکاری کے نقشے پر فروغ دینا چاہئیے جو اپنے کاریگروں کیلئے مشہور ہیں تا کہ وہ کاریگر اور دستکار جو کئی دہائیوں سے ان فنون کی مشق کر رہے ہیں ، انہیں وہ عزت ملے جس کے وہ مستحق ہیں ۔ پشمینہ آرٹیزن ایوارڈز نے روائتی دستکاری کے کئی زمرہ جات میں شاندار کارکردگی کو سراہا جس کا بنیادی مرکز پشمینہ سیکٹر پر تھا ۔ کمشنر سیکرٹری انڈسٹریز اینڈ کامرس ڈیپارٹمنٹ ، سابق چئیر پرسن کے وی آئی بی ، ڈائریکٹر ہینڈی کرافٹ اینڈ ہینڈ لوم کشمیر ، پشمینہ انٹر پرنیورز میکرز اینڈ آرٹیزنز ( پی ای ایم اے ) فاو¿نڈیشن اور پی ای ایم اے فاو¿نڈیشن کے عہدیداران ، سینئر افسران ، کاروباری اور تجارتی انجمنوں کے اراکین ، کاریگر اور دستکار اس تقریب میں شریک ہوئے ۔