سری نگر……انفو………..جنرل آفیسر کمانڈِنگ (جی او سی) 15 کورزلیفٹیننٹ جنرل پرشانت سری واستو، جو وادی کشمیر میں فوجی آپریشنز کی نگرانی کرتے ہیں، نے آج یہاں سول سیکرٹریٹ میں چیف سیکرٹری اتل ڈولوسے اُن کے دفتر کے چیمبر میں ملاقات کی۔میٹنگ میں سول ملٹری کوآرڈی نیشن کو مضبوط بنانے پر توجہ مرکوز کی گئی تاکہ مختلف ترقیاتی اور اِنتظامی اقدامات کو بلا تعطل انجام دیا جا سکے جو خطے میں عوامی فلاح و بہبود اور سیکورٹی کو بہتر بنانے کے لئے کئے جا رہے ہیں۔بات چیت کے دوران دونوں فریقین نے ان اہم مسائل پر تفصیلی تبادلہ خیال کیا جو سول اِنتظامیہ اور سیکورٹی فورسز کے درمیان مشترکہ کوششوں کے متقاضی ہیں۔دوران گفتگو متعدد فیصلوں کی مو¿ثر عمل آوری اور عوام کی وسیع تر بھلائی کے لئے تعاون کو مزید فروغ دینے کے اقدامات پر بات کی گئی۔چیف سیکرٹری نے امن و استحکام قائم رکھنے میں فوج کے مسلسل تعاون کی تعریف کی جس سے جموںوکشمیر یوٹی میں ترقی کو سہولیت ملی۔ اُنہوں نے سول اِداروں اور آرمد فورسز کے درمیان ہم آہنگی کی کوششوں کی اہمیت پر زور دیا تاکہ اُبھرتے ہوئے چیلنجوں کا مو¿ثر طریقے سے مقابلہ کیا جا سکے اور مسائل کا بروقت ازالہ یقینی بنایا جا سکے۔لیفٹیننٹ جنرل پرشانت سری واستو نے یونین ٹیریٹری ایڈمنسٹریشن کے ساتھ قریبی تال میل میں کام کرنے کے لئے فوج کے عزم کا اعادہ کیا تاکہ تمام اقدامات بروقت اور لوگوں پر مرکوز طریقے سے عملایا جائے۔چیف سیکرٹری اور جنرل آفیسر کمانڈِنگ دونوں نے ادارہ جاتی ہم آہنگی کے نظام کو مضبوط بنانے کے عزم کا اعادہ کیا تاکہ ترقیاتی اور عوامی فلاح کے اقدامات سیکورٹی کے تقاضوں کے ساتھ مل کر آسانی سے آگے بڑھیں۔
جی او سی 15کو ر نے چیف سیکرٹری سے سول ملٹری کوآرڈی نیشن کے مسائل پر تبادلہ خیال کیا
