سری نگر….۸۱، نومبر…جے کے این ایس ….فوج کی شمالی کمان کے کمانڈر لیفٹنٹ جنرل پراتیک شرما نے سینئر فوجی کمانڈروں کے ہمراہ شمالی کشمیرمیں لائن آف کنٹرول کے کئی علاقوں کا درہ کرکے وہاں انسداد دراندازی اقدامات کا جائزہ لیا۔جے کے این ایس کے مطابق پی آر او ڈیفنس جموں نے بتایا کہ شمالی فوج کے کمانڈر لیفٹیننٹ جنرل پراتیک شرما نے انسداد دراندازی گرڈ کا جائزہ لینے اور لائن آف کنٹرول پر تعینات فارمیشنوں کی آپریشنل تیاریوں کا جائزہ لینے کے لیے شمالی کشمیر کا دورہ کیا۔دورے کے دوران، آرمی کمانڈرلیفٹنٹ جنرل پراتیک شرما نے آگے کے علاقوں میں تعینات فوجیوں سے بات چیت کی اور ان کی اعلیٰ سطح کی جنگی تیاری، ناقابل تسخیر جذبے اور مسلسل پیشہ ورانہ کارکردگی کو سراہا۔انہوں نے فوجیوں کی حوصلہ افزائی کی کہ وہ سخت تربیت جاری رکھیں اور تکنیکی ترقی کو اپناتے ہوئے ایک مستقبل کیلئے تیار فورس بنے رہیں جو ابھرتے ہوئے سیکورٹی چیلنجوں کا مقابلہ کرنے کی صلاحیت رکھتی ہے۔
فوج کی شمالی کمان کے کمانڈر لیفٹنٹ جنرل پراتیک شرما کا دورہ
