میئر جے ایم سی ، سابق نائب وزراءاعلیٰ اور جی او سی 16کور نے لیفٹیننٹ گورنر سے ملاقات کی
جموں انفو میئر جے ایم سی راجند ر شرما اور سابق نائب وزراءاعلیٰ جموںوکشمیر ڈاکٹر نرمل سنگھ اور کوویندر گپتا نے راج بھون میں لیفٹیننٹ گورنر منوج سِنہا کے ساتھ ملاقات کی ۔میئر نے لیفٹیننٹ گورنر کو جموں میونسپل کارپوریشن کے کام کاج سے آگاہ کیا ۔اُنہوں نے دیگر معاملات کے ساتھ کارپوریشن کے کام کاج کو بہتر بنانے کے لئے حالیہ قرار دادوں کے بارے میں بھی جانکاری دی۔دریں اثناءڈاکٹر نرمل سنگھ اور کوویندر گپتا نے لیفٹیننٹ گورنر کے ساتھ عوامی اہمیت کے متعدد اَمور پر تبادلہ خیال کیا۔اِس سے قبل جی او سی 16کور لیفٹیننٹ جنرل سندیپ جین نے لیفٹیننٹ گورنر سے ملاقات کی اور انہیںحفاظتی صورتحال سے آگاہ کیا۔لیفٹیننٹ گورنر نے قومی کی حفاظت میں فوج کے کردار کی تعریف کرتے ہوئے جموںوکشمیر میں محفوظ ماحول کو یقینی بنانے کے لئے سیکورٹی ایجنسیوں کے درمیان چوکسی اور زیادہ سے زیادہ ہم آہنگی پر زور دیا۔
میئر جے ایم سی ، سابق نائب وزراءاعلیٰ اور جی او سی 16کور نے لیفٹیننٹ گورنر سے ملاقات کی
