بالاسور ریل حادثے کے سلسلے میں وزےراعظم نے اعلیٰ سطحی میٹنگ کی صدارت

بالاسور ریل حادثے کے سلسلے میں وزےراعظم نے اعلیٰ سطحی میٹنگ کی صدارت
سرینگر3/ جون/سی این ایس/ وزیراعظم نریندر مودی نے ہفتہ کو اوڈیشہ کے بالاسور میں ریل حادثے کے سلسلے میں صورتحال کا جائزہ لینے کے لیے ایک اعلیٰ سطحی میٹنگ کی صدارت کی۔ جائزہ اجلاس میں متاثرہ افراد کو ریسکیو، ریلیف اور طبی امداد سے متعلق پہلوو¿ں پر تبادلہ خیال کیا گیا۔ اس میں مرکزی وزیر داخلہ امت شاہ، کابینہ سکریٹری راجیو گوبا، وزیر اعظم کے پرنسپل سکریٹری پی کے مشرا، مرکزی داخلہ سکریٹری اجے کمار بھلا، این ڈی آر ایف چیف ایس این۔ پردھان اور دیگر اعلیٰ حکام بھی شامل تھے ۔دریں اثنا، میٹنگ کے بعد مودی اوڈیشہ کے لئے روانہ ہوگئے جہاں وہ ٹرین حادثہ کے تناظر میں صورتحال کا جائزہ لیں گے۔ذرائع کے مطابق وزیر اعظم بالاسور میں جائے حادثہ اور کٹک کے اسپتال کا بھی دورہ کےاجہاں زخمیوں کا علاج کیا جا رہا ہے۔وزیر اعظم کی طرف سے بلائی گئی میٹنگ میں مرکزی وزیر داخلہ امت شاہ بھی موجود تھے۔سات نیشنل ڈیزاسٹر رسپانس فورس (این ڈی آر ایف) ٹیمیں، پانچ اوڈیشہ ڈیزاسٹر ریپڈ ایکشن فورس (او ڈی آر اے ایف) یونٹس اور 24 فائر سروسز اور ایمرجنسی یونٹ بچاو¿ کاموں میں مصروف ہیں۔ہندوستانی فضائیہ (آئی اے ایف) نے مرنے والوں اور زخمیوں کو نکالنے کے لیے ایم آئی17 ہیلی کاپٹر تعینات کیے ہیں۔ایسٹرن کمانڈ کے مطابق، آئی اے ایف سول انتظامیہ اور ہندوستانی ریلوے کے ساتھ بچاو¿ کی کوششوں کو مربوط کر رہا ہے۔وزیر اعظم مودی نے جمعہ کو مرنے والوں کے لواحقین کو دو دو لاکھ روپے ایکس گریشیا دینے کا اعلان کیا تھا۔وزیر اعظم کے دفتر کے ایک بیان کے مطابق، مرنے والوں کے لواحقین کو وزیر اعظم کے قومی ریلیف فنڈسے ایکس گریشیا رقم مختص کی جائے گی۔مرکزی وزیر ریلوے اشونی ویشنو نے موقع پر پہنچ کر بچاو¿ آپریشن کی نگرانی کی۔ انہوں نے واقعہ کی تفصیلی اعلیٰ سطحی انکوائری کا حکم دیا ہے۔وشنو نے ہفتہ کے روز کہا کہ ریل سیفٹی کمشنر بھی ایک آزاد انکوائری کریں گے۔