سرینگر/ 5جولائی//شازیہ کوثر //
اپنی پارٹی کی جانب سے شوپیان کے علاقہ کیلر میں شاندار عوامی جلسے کا انعقاد کیا گیا جس میں کثیر تعداد میں لوگوں نے شرکت کی جہاں مقامی لوگوں اور اپنی پارٹی کے حامیوں نے سید الطاف بخاری کی آمد پر انکا شاندار استقبال کیا، اس دوران جلسے سے خطاب کرتے ھوئے پارٹی صدر سید محمد الطاف بخاری نے مرکزی حکومت پر زور دیا کہ وہ آئندہ اسمبلی انتخابات سے قبل جموں و کشمیر کا ریاستی درجہ بحال کرےانہوں نے کہا، “کہ مرکزی حکومت نے یہ عہد کیا ہے کہ وہ جموں و کشمیر کو ریاست کا درجہ بحال کرے گی، اس لیے اگر آئندہ انتخابات سے قبل اس وعدے کو پورا کیا جاتا ہے تو یہ ایک بہت بڑی پہل ہوگی۔”
یہ جموں و کشمیر کے لوگوں کی خوائش بھی ھے کہ جموں کشمیر کو ریاست کا درجہ دیا جائے جس سے 5 اگست 2019 کے روز چھین لیا گیا تھا۔” اُنہوں نے مطالبہ کیا کہ نوجوان کشمیری جو اس وقت سلاخوں کے پیچھے ہیں انہیں قومی دھارے میں واپس آنے کا موقع دیا جائے۔انہوں نے کہا کہ یہاں کے کئی نوجوان کافی عرصے سے جیلوں میں بند ہیں۔ اپنی پارٹی چاہتی ہے کہ ان نوجوانوں کو قومی دھارے میں آنے کا موقع دیا جائے۔ ہم اس حقیقت کو نظر انداز نہیں کر سکتے کہ یہ ہمارے اپنے بچے ہیں، اس لیے اپنی پارٹی تجویز کرے گی کہ حکومت ان نوجوانوں کے کیسز کو دیکھنے کے لیے ایک کمیٹی بنائے اور یہ دیکھے کہ کیا وہ پرامن زندگی گزارنے کا موقع حاصل کرنے کے لیے تیار ہیں۔ ”
اور اُنہں دبارہ پرامن زندگی گزارنے کا ایک موقع دیا جائے روایتی سیاسی جماعتوں کی طرف سے شوپیان کے لوگوں کے طویل سیاسی استحصال کے بارے میں بات کرتے ہوئے، بخاری نے کہا، “شوپیان پورے جموں و کشمیر کے ان چند مقامات میں سے ایک ہے جسے اللہ تعالیٰ نے بے پناہ قدرتی وسائل اور زبردست اقتصادی ترقی کی مکمل صلاحیت سے نوازا ہے۔ لیکن، روایتی سیاسی جماعتوں نے، جنہوں نے برسوں اور دہائیوں تک جموں و کشمیر پر حکومت کی، نے کبھی بھی اس جگہ کی صلاحیت کو بروئے کار لانے کی کوشش نہیں کی جس سے شوپیاں کے لوگوں کی خوشحالی آسکتی تھی۔ میں آپ کو یقین دلاتا ہوں کہ اگر اپنی پارٹی آئندہ انتخابات میں منتخب ہوئی تو ہم اس ضلع کا منظر نامہ بہتری کی طرف بدلے گے۔
اپنی پارٹی کے سینئر نائیب صدر غلام حسن میر نے جموں و کشمیر کے لیے اپنی پارٹی کے وژن کی وضاحت کرتے ہوئے کہا، ’’ہماری پالیسی بالکل واضح ہے۔ ہم جموں و کشمیر کے پائیدار امن، خوشحالی اور ترقی اور یہاں کے لوگوں کو معاشی طور پر بااختیار بنانا چاہتے ھے ۔ اُنہوں نے مزید کہا کہ روایتی سیاسی جماعتوں کے برعکس، اپنی پارٹی کی پالیسی جموں و کشمیر میں امن، خوشحالی اور ترقی پر مرکوز ہے۔ سینئر نائب صدر غلام حسن میر، کے علاوہ پارٹی کی سیاسی امور کمیٹی کے چیئرمین محمد دلاور میر، نائب صدر اور ضلعی صدر شوپیاں ظفر اقبال منہاس، پارٹی کے چیف کوآرڈینیٹر عبدالمجید اور دیگر لیڈران بھی شامل تھے۔
