دفعہ 370 کی منسوخی کے بعدجموں و کشمیرسب سے زیادہ محفوظ جگہ

دفعہ 370 کی منسوخی کے بعدجموں و کشمیرسب سے زیادہ محفوظ جگہ
جموں و کشمیر میں تین خاندانوں نے 70سال تک راج کرکے جمہوریت کو خاندان تک ہی محدود رکھا تھا
عسکریت پسندوں اور حریت کے خلاف کارورائی سے نوجوانوں کے ہاتھوں میں پتھروں کی جگہ لیپ ٹاپ ہیںامیت شاہ
سرینگر سے شارجہ کیلئے براہ راست پرواز شروع چلی ،تاریخ میں پہلی بار 1.62کروڑ سیاحوں نے جموں و کشمیر کی سیر کی
سرینگر04اکتوبر سی این آئی جموں و کشمیر میں تین خاندانوں نے 70سال تک راج کرکے جمہوریت کو اپنے خاندان تک ہی محدود رکھا کا دعویٰ کرتے ہوئے وزیر داخلہ امیت شاہ نے کہا کہ دفعہ 370 کی منسوخی کے بعدجموں و کشمیرسب سے زیادہ محفوظ جگہ کے طور پر ابھرا ہے کیونکہ عسکریت پسندی کے واقعات میں نمایاں کمی آئی ۔ انہوں نے کہا کہ وزیر اعظم نریندر مودی کی طرف سے عسکریت پسندوں اور حریت کے خلاف شروع کی گئی جس کا نتیجہ یہ ہوا ہے کہ نوجوانوں کے ہاتھوں میں پتھروں کی جگہ لیپ ٹاپ ملیں ۔ سی این آئی کے مطابق جموں کے راجوری ضلع میں ایک بڑی ریلی سے خطاب کرتے ہوئے وزیر داخلہ امیت شاہ نے کہا کہ جو لوگ یہ کہتے ہیں کہ اگر دفعہ 370 کو واپس لیا گیا تو خون بہے گا، انہیں اعداد و شمار کے ذریعے جانا چاہئے کہ ایک سال میں جموں و کشمیر میں 4767 عسکریت پسندی سے متعلق واقعات رونماہوئے تاہم دفعہ 370کی منسوخی کے بعد یہ تعداد محض 721 تک رہ گئی ۔ ایک سال میں سیکورٹی فورسز کے اہلکاروں کی ہلاکتوں کی تعداد صرف 137 تک پہنچ گئی جس سے یہ ثابت ہوتا ہے کہ تشدد کے واقعات میں نمایاں کمی درج ہوئی ہے ۔ امیت شاہ نے کہا کہ وزیر اعظم نریندر مودی کی طرف سے عسکریت پسندوں، علیحدگی پسندوں اور حریت کو کچلنے کیلئے شروع کی گئی مہم کے اچھے نتائج برآمد ہوئے۔ ”آج جموں و کشمیر ایک انتہائی محفوظ جگہ ہے“،شاہ نے کہا”وزیر اعظم مودی جموں و کشمیر کے نوجوانوں تک پہنچے اور پتھروں کی جگہ لیپ ٹاپ لے گئے۔ آج جموں و کشمیر کے نوجوان مختلف شعبوں میں ملک کے دیگر نوجوانوں کی طرح مقابلہ کر رہے ہیں“۔ گجروں، بکروالوں اور پہاڑیوں تک پہنچتے ہوئے شاہ نے ان سے کہا کہ وہ اس بات کو یقینی بنائیں کہ تین خاندان،جنہوں نے حکومت کو ان تک محدود رکھا، ان کے خاندان کے افراد اور دوستوں کو ہر الیکشن میں شکست دی جائے۔ شاہ نے کہا،کہ ان تینوں خاندانوں نے 70 سال تک خاندانی حکمرانی کا لطف اٹھایا اور عام آدمی کو جمہوریت کیلئے ترستے رہے۔امیت شاہ نے مزید کہا ”آج لوگوں کے پاس گرام پنچایت، ضلع پنچایت اور تحصیل پنچایت ہے، جو گزشتہ 70 سالوں میں نہیں ہوئی تھی“۔جموں و کشمیر میں گزشتہ 70 سالوں سے جمہوریت کو 87 ایم ایل ایز اور چھ ایم پی ایز تک محدود رکھا گیا تھا جبکہ گجر، بکروال اور پہاڑیوں کو چھوڑ دیا گیا تھا۔ راجیہ سبھا میں غلام نبی کھٹانہ کو نامزد کرکے مودی جی نے ثابت کیا کہ وہ تمام طبقات کو مناسب نمائندگی دینے کے پابند ہیں۔انہوں نے کہا کہ آرٹیکل 370 کی منسوخی کے بعد 56000 کروڑ روپے کی بیرونی سرمایہ کاری جموں و کشمیر پہنچ گئی ہے جو بالآخر نوجوانوں کو روزگار فراہم کرے گی۔ انہوں نے کہا کہ ہم نے کرپشن کے خاتمے کیلئے اینٹی کرپشن بیورو تشکیل دیا جو کہ تین خاندانوں کی خاندانی حکمرانی کی وجہ سے گزشتہ 70 سالوں میں سرفہرست رہی۔شاہ نے مہاراجہ ہری سنگھ کے یوم پیدائش پر تعطیل کا اعلان کرنے پر ایل جی سنہا کی ستائش کی۔ انہوں نے کہا کہ پہلی بار سرینگر سے شارجہ کیلئے براہ راست پرواز شروع کی گئی اور سرینگر میں رات کی فلائٹ آپریشن بتائی گئی۔ تاریخ میں پہلی بار، جنوری 2022 سے 1.62 کروڑ سیاحوں نے جموں و کشمیر کا دورہ کیا۔۔انہوں نے کہا کہ حد بندی کمیشن گجروں، بکروالوں اور پہاڑیوں کو مناسب نمائندگی دینے کے لیے تشکیل دیا گیا تھا جو کہ ایک خواب تھا۔ شاہ نے کہا”آپ کا ہمیشہ ان لوگوں کے ذریعہ استحصال کیا گیا جنہوں نے آپ پر حکمرانی کی“، انہوں نے مزید کہا کہ وزیر اعظم مودی کی سربراہی میں حکومت جموں و کشمیر کو نئی بلندیوں پر لے جانے کے لیے پرعزم ہے جس میں سماج کے تمام طبقات بشمول گجر، بکروال اور پہاڑی شامل ہیں۔ وزیر داخلہ امت شاہ نے جموں و کشمیر کی پہاڑی برادری کے لوگوں کیلئے ایس ٹی ریزرویشن کا اعلان کیا ہے۔ انہوں نے کہا کہوزیر اعظم نریندر مودی نے جسٹس شرما کمیشن کی سفارشات پر کام کرنے کا حکم دیا ہے اور جیسے ہی یہ عمل مکمل ہوگا، پہاڑی برادری کے لوگوں کو ریزرویشن ملنا شروع ہوجائے گا۔ خیال رہے کہ مرکزی وزیر داخلہ امت شاہ نے منگل کی صبح کٹرا میں شری ماتا ویشنو دیوی مندر میں پوجا کی۔ ان کے ساتھ جموں و کشمیر کے لیفٹیننٹ گورنر منوج سنہا اور مرکزی وزیر جتیندر سنگھ بھی تھے۔ اس کے بعد امت شاہ راجوری پہنچے۔