سرینگر….04اکتوبر …سی این آئی…. نئے فوجداری قوانین ہندوستان میں 21ویں صدی کی سب سے بڑی اصلاحات قرار دیتے ہوئے وزیر داخلہ امیت شاہ نے زور دے کر کہا کہ نئے قوانین انصاف کی فراہمی کے عمل کو آسان اور وقت کا پابند بنائیں گے اور سال 2026 کے بعد اوسطاً تین سال میں ایک ایف آئی آر کو نمٹا دیا جائے گا۔سی این آئی کے مطابق وزیر داخلہ امیت شاہ نے جمعہ کو کہا کہ تین نئے فوجداری قوانین کا نفاذ 21ویں صدی میں ملک کی سب سے بڑی اصلاحات ہے۔شاہ نے زور دے کر کہا کہ نئے قوانین بھارتیہ نیا سنہتا (بی این ایس)، بھارتیہ شہری تحفظ سنہتا (بی این ایس ایس)، اور بھارتیہ ساکشیہ ادھینیم (بی ایس اے) جو کہ بی جے پی زیرقیادت مرکز کے ذریعہ بنائے گئے ہیں، ملک میں مجرمانہ انصاف کے نظام کو تبدیل کرنے جا رہے ہیں۔ہریانہ کے کروکشیتر میں تین نئے فوجداری قوانین پر ایک ہفتہ تک جاری رہنے والی نمائش کا افتتاح کرنے کے بعد ایک اجتماع سے خطاب ہوئے وزیر داخلہ امیت شاہ نے کہا کہ لوگوں میں یہ تاثر پایا جاتا ہے کہ اگر وہ پولیس اسٹیشن جاتے ہیں تو انہیں سالوں تک انصاف نہیں ملتا۔انہوں نے کہا” میں اعتماد کے ساتھ کہہ سکتا ہوں کہ 2026 کے بعد، اوسطاً تین سالوں میں ایک فرسٹ انفارمیشن رپورٹ (ایف آئی آر) کو نمٹا دیا جائے گا اور انصاف کو یقینی بنایا جائے گا“ ۔شاہ نے کہا کہ وزیر اعظم نریندر مودی نے کئی شعبوں میں اصلاحات متعارف کروائی ہیں، لیکن تین فوجداری قوانین کا نفاذ 21ویں صدی میں ملک کی سب سے بڑی اصلاحات ہے۔انہوں نے مزید کہا کہ نئے فوجداری قوانین کے نفاذ کے بعد ہریانہ میں سزا کی شرح دوگنی ہو کر 80 فیصد ہو گئی ہے۔انہوں نے کہا کہ انگریزوں کے بنائے ہوئے قوانین کا مقصد ہندوستان میں اپنی حکمرانی کو برقرار رکھنا تھا نہ کہ ملک کے لوگوں کی فلاح و بہبود کو یقینی بنانا۔انہوں نے کہا کہ ان نئے قوانین کے ذریعے پولیس، جیل، عدلیہ، استغاثہ اور فرانزک کو آن لائن جوڑا گیا ہے۔شاہ نے یہ بھی نشاندہی کی کہ ای ایف آئی آر اور زیرو ایف آئی آرز کی بدولت خواتین کو شکایت درج کروانے کے لیے پولیس اسٹیشنوں میں جانے کی ضرورت نہیں ہے۔انہوں نے مزید کہا کہ سات سال قید یا اس سے زیادہ کی سزا کو متوجہ کرنے والے ہر جرم میں فرانزک جانچ کو لازمی قرار دیا گیا ہے۔شاہ نے کہا کہ مودی کی ”سودیشی “تحریک 2047 تک عظیم ہندوستان کی راہ ہموار کرے گی۔انہوں نے کہا کہ اگر 140 کروڑ ہندوستانی صرف وہی مصنوعات خریدیں جو یہاں بنتی ہیں تو یہ دنیا کا سب سے بڑا بازار بن جائے گا اور ملک کی معیشت مزید ترقی کرے گی۔وزیر داخلہ نے کہا کہ سال 2047 تک، ہندوستان کو دنیا کے ہر شعبے میں سرفہرست مقام حاصل کرنا چاہئے۔
نئے فوجداری قوانین ہندوستان میں 21ویں صدی کی سب سے بڑی اصلاحات / امیت شاہ
