سری نگر….۳، نومبر….جے کے این ایس …….مرکزی وزیر داخلہ امت شاہ نے جمعرات کو پاکستان کے زیر اہتمام دہشت گردوں کو خبردار کیا کہ وہ ہندوستان پر مزید حملہ کرنے سے باز رہیں، اور زور دے کر کہا کہ اگر انہوں نے غلطی کو دہرایا توانہیں گولیوں کے لئے توپوں کا سامنا کرنا پڑے گا۔انہوں نے کہا کہ بہار کے مجوزہ دفاعی کوریڈور میں تیار کردہ دھماکہ خیز مواد ان دہشت گردوں کے خلاف استعمال کیا جائے گا۔جے کے این ایس کے مطابق مرکزی وزیر داخلہ اور بھاجپا کے سینئررہنما امت شاہ نے دربھنگہ موتیہاری بہار میں ایک انتخابی ریلی میں کہاکہ پاکستان کے دہشت گردوں نے پہلگام میں ہمارے شہریوں پر حملہ کیا۔ انہوں نے ہماری ماو¿ں اور بہنوں کے ماتھے سے سندور مٹا دیا۔ وزیر اعظم نریندر مودی نے20 دن کے اندر آپریشن سندور شروع کر کے اس کا بدلہ لیا۔ امت شاہ نے کہاکہ ہندوستانی فوج نے پاکستانی سرزمین پر دہشت گردوں کو بے اثر کر دیا۔انہوں نے یہ بھی کہاکہ وزیراعظم بہار میں ڈیفنس کوریڈور قائم کر رہے ہیں۔مرکزی وزیر داخلہ امت شاہ نے پھرکہاکہ اگر پاکستان کے زیر اہتمام دہشت گرد اپنی غلطی دہراتے ہیں، توگولی کا جواب گولی سے ہی نہیں بلکہ توپوں سے دیا جائے گا۔انہوں نے کہا کہ دہشت گردوں کےخلاف استعمال ہونے والی توپیںبہار میں بنی ہوئی ہوں گی۔مرکزی وزیر داخلہ نے الزام لگایاکہ پچھلی کانگریس حکومت کے برعکس، مودی کی قیادت میں حکومت ملک کی حفاظت اور سلامتی کے لیے پابند عہد ہے۔امت شاہ نے آر جے ڈی کے سپریمو لالو پرساد اور ان کے بیٹے تیجسوی یادو پر مبینہ طور پر گینگسٹر سے سیاست دان بنے مرحوم محمد شہاب الدین کی تعریف میں نعرے لگانے پر، جنہوں نے بہار میں آر جے ڈی کے15 سالہ دور حکومت میں سیوان میں دہشت پھیلا دی تھی، پر سخت حملہ کیا۔انہوں نے کہا کہ لالو اور ان کی پارٹی ’شہاب الدین امر رہے‘ جیسے نعرے لگاتے ہیں، ’جنگل راج‘کا خواب دیکھتے ہیں لیکن بہار کے لوگ ان کی اجازت نہیں دیں گے۔دربھنگہ، موتیہاری اور بٹیا میں ایک کے بعدایک ریلیوں سے خطاب کرتے ہوئے،امت شاہ نے بہار کے ووٹروں سے بی جے پی کے انتخابی نشان’کمل‘ کے ساتھ ای وی ایم بٹن دبانے کی اپیل کی تاکہ آر جے ڈی کے دور حکومت میں ’جنگل راج‘کی واپسی کو روکا جا سکے جس نے ریاست کوتباہ کیا تھا۔انہوں نے وعدہ کیا کہ اگر این ڈی اے اقتدار میں واپس آتی ہے تو حکومت کوشی ندی کے پانی کو آبپاشی کے لیے استعمال کرنے اور سیلاب کو روکنے کے لیے 26ہزار کروڑ روپے خرچ کرے گی۔انہوں نے وعدہ کیا کہ اگر بہار میں این ڈی اے کا اقتدار برقرار رہتا ہے تو اگلے 5 سالوں میں ہر ضلع کو ایک انجینئرنگ، ایک میڈیکل کالج ملے گا۔اس بات پر زور دیتے ہوئے کہ حقیقی ترقی صرف نتیش کمار اور نریندر مودی کے دور حکومت میں ہی ہو سکتی ہے، امت شاہ نے کہاکہ تقریباً 423 کمپنیوں نے بزنس سمٹ کے دوران بہار میں 1.80 لاکھ کروڑ روپے کی سرمایہ کاری کے معاہدے کیے ہیں۔ رکسول میں ایک نئے ہوائی اڈے کی منظوری دی گئی ہے، جبکہ موتیہاری میں ایک آڈیٹوریم تعمیر کیا جائے گا۔انہوں نے کہا کہ چمپارن کی سرزمین دیوی سیتا اور بھگوان رام سے جڑی ہوئی ہے اور ”ہم یہاں مذہبی سیاحت کو فروغ دیں گے“۔امت شاہ نے مہاتما گاندھی کی ’کرما بھومی‘چمپارن سے اعلان کیا کہ 31 مارچ 2026 کو ملک سے نکسل ازم کا صفایا کر دیا جائے گا۔(ایجنسیاں)
مودی سرکارملک کی حفاظت اور سلامتی کےلئے پابند عہد/ امت شاہ
