جمعتہ الوداع کے مقدس موقع پر سید محمد الطاف بخاری نے آثار شریف حضرت بل میں حاضری

سرینگر: جمعتہ الوداع کے مقدس موقع پر اپنی پارٹی کے سربراہ سید محمد الطاف بخاری نے آثار شریف درگاہ حضرت بل میں نماز ادا کی۔موصولہ بیان کے مطابق سید محمد الطاف بخاری نے پارٹی کے متعدد ساتھیوں کے ہمراہ جمعتہ الوداع کے بابرکت موقع پر نماز جمعہ آثار شریف حضرت بل میں ادا کی۔ اس موقع پر انہوں نے لوگوں سے ملاقات کی اور انہیں جمعتہ الوداع اور شب قدر کی مبارکباد دی۔ انہوں نے جموں و کشمیر امن و استحکام اور خوشحالی کے لیے دعا کی۔ان کے ہمراہ پارٹی کے صوبائی صدر محمد اشرف میر، سینئر لیڈر اور سرینگر کے سابق میئر جنید عظیم متو، اور جڈی بل و حضرت بل حلقوں کے زونل کمیٹی ممبران تھے۔