امیت شاہ قومی پی اے سی ایس کانفرنس کی صدارت کریں گے

امیت شاہ قومی پی اے سی ایس کانفرنس کی صدارت کریں گے
نئی دہلی/ 06 جنوری/یو این آئی/ مرکزی وزیرداخلہ وامداد باہمی امت شاہ وگیان بھون میں ‘پردھان منتری جن اوشدھی کیندروں کے پرائمری ایگریکلچرل کریڈٹ سوسائٹیز (پی اے سی ایس) کے آپریشن’ کی اہم کامیابی کی یاد میں پیر کو منعقد ‘نیشنل پی اے سی ایس میگا سیمینار’ کی صدارت کریں گے۔اس میگا سیمینار کا انعقاد وزارت امداد باہمی نے نیشنل کوآپریٹو ڈیولپمنٹ کارپوریشن کے تعاون سے کیا ہے۔پی اے سی ایس کو حال ہی میں پردھان منتری بھارتیہ جن اوشدھی کیندروں کو چلانے کے لیے ایک اہل ادارہ بنایا گیا ہے۔ صرف پچھلے چند مہینوں میں 34 ریاستوں اور مرکز کے زیر انتظام علاقوں سے 4400 سے زیادہ پی اے سی ایس یا کوآپریٹو سوسائٹیوں نے مرکزی حکومت کے ڈرگ ڈپارٹمنٹ کے پورٹل پر اس اقدام کے لیے آن لائن درخواست دی ہے۔ ان میں سے 2300 سے زیادہ کمیٹیوں کو ابتدائی منظوری مل چکی ہے اور 146 کمیٹیاں جن اوشدھی کیندر کے طور پر کام کرنے کے لیے پوری طرح سے تیار ہیں۔اس میگا سیمینار میں تمام ریاستوں اور مرکز کے زیر انتظام علاقوں کے کوآپریٹو محکموں کے کوآپریٹو سوسائیٹیوں کے ایڈیشنل چیف سکریٹریز، پرنسپل سکریٹریز، سکریٹریز اور رجسٹراروں کے ساتھ ساتھ ان پی اے سی ایس کے صدور، سکریٹریز اور فارماسسٹس نے شرکت کریں گے جنہوں نے جن اوشدھی کیندروں کے لیے ڈرگ لائسنس حاصل کیے تھے۔ ’نیشنل پی اے سی ایس میگا سمپوزیم‘ کی لائیو اسٹریمنگ بھی بڑے سوشل میڈیا پلیٹ فارمز پر کی جائے گی۔یو این آئی