سید الطاف بخاری کی پارٹی لیڈران اور کارکنان کو عوامی خدمت کےلئے متحرک رہنے کی تلقین
سرینگر/7جون / اپنی پارٹی کے قائد سید محمد الطاف بخاری نے پارٹی لیڈران اور سینئر کارکنوں پر زور دیا کہ وہ اپنے اپنے علاقوں میں لوگوں کی خدمت کے لیے ہمہ وقت متحرک رہیں۔ انہوں نے کہا کہ اپنی پارٹی کو بھر پور عوامی تعاون حاصل ہے اور لوگوں کو اس جماعت سے کافی ا±میدیں وابستہ ہیں۔موصولہ بیان کے مطابق ان خیالات کا اظہار سید محمد الطاف بخاری نے ہندوارہ حلقہ سے آئے پارٹی عہدیداروں اور سینئر کارکنان کے ایک بڑے وفد سے بات چیت کرتے ہوئے کیا۔ اراکینِ وفد پارٹی صدر سے بعض تنظیمی امور اور عوامی مسائل پر بات چیت کرنے کےلئے آیا تھا۔اجلاس سے خطاب کرتے ہوئے سید محمد الطاف بخاری نے کہا، ”ہمیں یہ بات کبھی فراموش نہیں کرنی چاہیے کہ اپنی پارٹی کے قیام کے بعد بہت ہی کم عرصے میں اسے عوامی قبولیت اور مقبولیت حاصل ہوئی ہے۔ لوگ ہمارے غیر مبہم ایجنڈے کی پذیرائی کررہے ہیں۔ عوام کو ہم پر اعتماد بھی ہے اور ہم سے کچھ توقعات بھی وابستہ ہیں۔ ان عوامی توقعات پر پورا اترنا ہماری ذمہ داری ہے۔ “انہوں نے پارٹی لیڈران اور کارکنان کو تلقین کی کہ وہ اپنے اپنے علاقوں میں عوام کی خدمت کےلئے ہمیشہ متحرک رہیں اور عوامی مسائل اور شکایات کو نہ صرف ا±جاگر کرتے ہیں بلکہ ا±ن کا ازالہ کرانے کےلئے ان مسائل کو متعلقہ حکام کی نوٹس میں بھی لائیں۔سید محمد الطاف بخاری نے لیڈران اور کارکنان کو مشورہ دیا کہ وہ اپنے اپنے علاقوں میں عوامی رابطہ مہم کو موثر بنائیں۔ انہوں نے کہا، ” ہمارا بنیادی کام لوگوں کی خدمت کرنا ہے۔ لیکن اس کے لئے ضروری ہے کہ عوام کے ساتھ ہمارا گہر رابطہ ہو۔ اس لئے یہ آپ کی ذمہ داری ہے کہ آپ زمینی سطح پر لوگوں کے ساتھ قریبی تعلق بنائے رکھیں۔“اس موقع پر پارٹی کے جو سرکردہ لیڈران موجود تھے، ا±ن میں پارٹی کی پارلیمانی امور کمیٹی کے چیئرمین محمد دلاور میر، نائب صدر عثمان مجید، صوبائی صدر کشمیر محمد اشرف میر، ریاستی سیکرٹری منتظر محی الدین، حلقہ ہندوارہ کے انچارج عبدالرشید بٹ، حلقہ کوآرڈی نیٹر حاجی عبدالرحیم، کے علاوہ ہندوارہ کے تمام بلاک صدور، بلاک سیکرٹریز، اور حلقہ انچارج شامل تھے۔
سید الطاف بخاری کی پارٹی لیڈران اور کارکنان کو عوامی خدمت کےلئے متحرک رہنے کی تلقین
Previous Post
بارہمولہ میں بی جے پی کی صحافتی برادری کےساتھ خاص ملاقات
Next Postضلع ترقیاتی کمشنر بانڈی پورہ کا شادی پورہ میں بلاک دیوس کا اِنعقاد بانڈی پورہانفوضلع ترقیاتی کمشنر بانڈی پورہ ڈاکٹر اویس احمد نے ہفتہ وار بلاک دیوس پروگرام کے ایک حصے کے طور پر شادی پورہ کے ہائیر سکینڈری سکول میں شکایتی ازالہ کیمپ کا اِنعقاد کیا۔پروگرام میں مقامی لوگوں اور پی آر آئیز نے جوش و خروش سے حصہ لیا اور اَپنی ترقیاتی اُمنگوں کو پیش کیا۔ پروگرام میں سڑکوں ، پانی کی فراہمی اور آبپاشی ، سکولوں میں اَساتذہ کی دستیابی ، راشن اور دیگر سماجی تحفظی سکیموں کی عمل آوری کے حوالے سے مسائل اُٹھائے گئے۔ضلع ترقیاتی کمشنر نے مقامی لوگوں اور پی آر آئی کی شکایات اور تجاویز کوبغور سنا اور مختلف مسائل کے اَزالے کے لئے موقعہ پر ہی ہدایات جاری کیں۔ڈاکٹر اویس احمد نے عوام پر زور دیا کہ وہ اَپنے بچوں پر نظر رکھیں تاکہ وہ نشے میں پھنسنے سے بچ سکیں۔اُنہوں نے پرنسپل ہائیر سیکنڈری شادی پورہ کو ہدایت دی کہ وہ منشیات سے نجات کے پروگرام منعقد کریں اور سکول اِنتظامی کو ہدایت دی کہ وہ وقفے وقفے سے والدین اور اَساتذہ کی میٹنگیں منعقد کریں تاکہ والدین گھر پر اَپنے بچوں کی نگرانی کرسکیں۔اِس موقعہ پر مقامی لوگوں نے منشیات کی بدعت سے نمٹنے میں پولیس اور اِنتظامیہ کو سراہا او رعوام کی جانب سے اِس سے نمٹنے کے لئے ہر ممکن تعاون کا یقین دِلایا۔بعد میں ڈاکٹر اویس احمد نے محکمہ باغبانی کی جانب سے فراہم کردہ ہائی ڈینسٹی ایپل آرچرڈ شلواتھ کا بھی معائینہ کیا۔اُنہوں نے کسانوں سے تفصیلی گفتگو کی اور ان پر زور دیا کہ وہ اِ س سکیموں کا فائدہ اُٹھائیں جن کا مقصد ان کی آمدنی کو دوگنا کرنا ہے۔اُنہوں نے کہا کہ حکومت کسانوں کی سماجی و اِقتصادی حالت کو بہتر بنانے کی بھی خواہشمند ہے اور اِس سلسلے میں آبپاشی سہولیات ، بہتر کھادوں ، ہائی ڈینسٹی پلانٹوں او ربیجوں کو بہتر بنا کر کسانوں کی پیداوار اور اس کے نتیجے میں ہونے والی آمدنی کو بہتر بنانے کے لئے فصل اِنشورنس کے علاوہ متعدد اقدامات کئے جارہے ہیں ۔
