تنقیدی سوچ اور تجسس طلباءکی سب سے بڑی طاقت / منوج سنہا

سرینگر…..10دسمبر…. ایس این این …..مستقبل کے چیلنجز کیلئے منفرد افراد پیدا کرنا اسکولوں کا واحد مقصد ہونا چاہیے کا اعلان کرتے ہوئے لیفٹنٹ گورنر منوج سنہا نے کہا کہ تنقیدی سوچ اور تجسس طلباءکی سب سے بڑی طاقت ہے۔ انہوں نے اساتذہ اور والدین پر زور دیا کہ وہ طلباءکو ان کی دلچسپیوں، جذبوں اور صلاحیتوں کی بنیاد پر پڑھنے کی اجازت دیں تاکہ وہ بغیر دباو¿ کے ٹیلنٹ کو نکھار سکیں۔سٹارنیوز نیٹ ورک کے مطابق جموں کے ابھینو تھیٹر میں لارنس پبلک سکول کی 40ویں سالگرہ کی تقریب سے خطاب کرتے ہوئے لیفٹنٹ گورنر منوج سنہا نے کہا کہ اسکولوں کا ایک ہی مقصد ہونا چاہیے – مستقبل کے چیلنجز کے لیے منفرد افراد پیدا کریں۔ لیفٹیننٹ گورنر نے کہا ”دنیا جدید ترین ٹیکنالوجی کے ذریعے کارفرما تبدیلیوں کا سامنا کر رہی ہے اور اسکولوں کو تخلیقی صلاحیتوں، تجسس، تنقیدی سوچ اور مسائل کو حل کرنے کی مہارتوں میں مدد کے لیے نئے ٹولز کے استعمال پر توجہ مرکوز کرنی چاہیے“۔اپنے خطاب میں منوج سنہا نے لارنس پبلک اسکول کی وراثت، پائیدار اقدار اور جامع سیکھنے اور جدید رہنماو¿ں کی تشکیل کی کوششوں کو سراہا۔ انہوں نے کہا کہ اسکول نے اپنی بنیادی اقدار کو آگے بڑھاتے ہوئے کامیاب سابق طلباء پیدا کیے ہیں، جو فخر کے ساتھ قوم کی خدمت کر رہے ہیں۔انہوں نے کہا کہ تنقیدی سوچ اور تجسس طلباءکی سب سے بڑی طاقت ہے۔ انہوں نے اساتذہ اور والدین پر زور دیا کہ وہ طلباءکو ان کی دلچسپیوں، جذبوں اور صلاحیتوں کی بنیاد پر پڑھنے کی اجازت دیں تاکہ وہ بغیر دباو¿ کے ٹیلنٹ کو نکھار سکیں۔سنہا نے کہا ” تعلیمی اداروں کو چار اہم پہلوو¿ں پر خصوصی توجہ دینی چاہیے: معلمین کے دوہرے اہداف طلباءکو کالج کیلئے تیار اور مستقبل کے لیے تیار کرنا اور انہیں مسلسل ترقی پذیر مہارتوں سے آشنا کرنا، انہیں 21ویں صدی کے عالمی شہریوں میں تبدیل کرنا ہے ۔ “ انہوں نے کہا، ہائبرڈ کلاس روم ماڈل، ڈیجیٹل پلیٹ فارم کا فائدہ اٹھاتے ہوئے، اس بات کو یقینی بنائے گا کہ ٹیکنالوجی پر مبنی تعلیم سب کے لیے قابل رسائی ہو۔انہوں نے کہا ” اساتذہ کا کردار محض معلومات فراہم کرنے والے بننے سے سرپرستوں کی طرف منتقل ہو جائے گا۔ ان کی بنیادی ذمہ داری ضروری مہارتوں، تخلیقی صلاحیتوں کو ابھارنا اور بچوں کو خواب اور عزم دینا ہو گی۔ اس میں انہیں ان کی روایات، زبان، اقدار، محبت، شفقت، عدم تشدد اور بھائی چارے سے متعارف کرانا بھی شامل ہے ۔ “ اس موقع پر لیفٹنٹ گورنر نے مختلف شعبوں میں نمایاں خدمات انجام دینے والی خواتین کو مبارکباد دی۔