محمد مقبول ڈار: ہندوستان کے نقشے کی تصویر کا قالین ب±ننے والا کشمیری قالین باف

محمد مقبول ڈار: ہندوستان کے نقشے کی تصویر کا قالین ب±ننے والا کشمیری قالین باف
سری نگر/// 11 اگست ///یو این آئی////  شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین باف نادر اور کم یاب قالین تیار کرنے میں ید طولیٰ رکھتے ہیں۔انہوں نے ہندوستان کے نقشے کی تصویر کا ایک دو فٹ بائی دو فٹ کا قالین تیار کیا ہے جس کے بیچوں بیچ ترنگا ب±نا ہوا ہے۔بانڈی پورہ کے آشٹنگو علاقے سے تعلق رکھنے والے محمد مقبول شہرت کی بلندیوں پر جلوہ گر ہوئے تھے جب انہوں نے کشمیر کی ثقافت کا ایک نادر قالین ب±نا تھا۔ اس قالین پرایک کشمیری خاتون کو روایتی لباس میں ملبوس شہرہ آفاق جھیل ڈل کے کنارے پر بیٹھے دکھایا گیا تھا جس کی یہاں کافی پذیرائی ہوئی تھی۔اس کے بعد انہوں نے چار فٹ بائی چار فٹ کا ایک اور قالین تیار کیا جس پر ترنگا ب±نا ہوا تھا۔محمد مقبول نے یو این آئی کے ساتھ اپنی گفتگو کے دوران کہا: ‘یہ دو فٹ بائی دو فٹ کا قالین جس پر بھارت کے نقشے کے بیچوں بیچ ترنگا ب±نا ہوا ہے، تیار کرنے میں مجھے دو ماہ لگ گئے’۔انہوں نے کہا: ‘میں اس قالین کو یوم آزادی کے موقع پر ‘میری مٹی میرا دیش’ پروگرام کے تحت پیش کروں گا’۔ان کا کہنا تھا: ‘مجھے یقین ہے کہ ملک کے تئیں اس حب الوطنی کے جذبے سے کشمیر کی روایتی قالین بافی کی صنعت کو دوام ملے گا’۔موصوف کاریگر نے کہا کہ مخصوص موقعوں پر میں ہمیشہ کچھ خاص ب±ننا چاہتا ہوں۔انہوں نے کہا: ‘گذشتہ کئی برسوں سے مجھے یہ شوق دامن گیر رہتا ہے کہ کسی خاص موقع پر میں کچھ خاص چیز تیار کروں اپنے ملک کے تئیں حب الوطنی کے جذبے کے تحت میں ایسے مخصوص قالین تیار کرتا ہوں اور مجھے پورا یقین ہے اس سے اس صنعت کو دوام ملے گا’۔ڈار کے کارخانے میں تعلیم یافتہ لڑکیوں کی ایک اچھی تعداد مختلف قسموں اور سائزوں کے قالین تیار کرکے نہ صرف کشمیر کی ثقافت کے اس اہم اور شاندار شعبے کو زندہ رکھے ہوئے ہیں بلکہ اپنی روزی روٹی کی بھی سبیل کر رہی ہیں۔انہوں نے کہا: ‘میں نے اس قالین کے متعلق انڈین انسٹی ٹیوٹ آف کارپٹ ٹیکنالوجی (آئی آئی سی ٹی) سری نگر کو مشورہ دیا تو انہوں نے مجھے یہ قالین تیار کرنے کے لئے کمپیوٹرازڈ ‘تعلیم’ (وہ زبان جس کو پڑھ کر قالین تیار کیا جاتا ہے) فراہم کی’۔موصوف دستکار، جو اپنے علاقے میں ‘ڈیلائٹ کارپٹ ویورس سوسائٹی’ بھی چلا رہے ہیں، گذشتہ زائد از 20 برسوں سے اس پیشے سے وابستہ ہیں۔بانڈی پورہ میں ان کے 20 کارخانے چل رہے ہیں جن میں قریب 50 تعلیم یافتہ لڑکیاں کام کرکے اپنا روز گار کما رہی ہیں۔انہوں نے کہا: ‘مجھے اپنے ضلع مجسٹریٹ محترم اویس احمد نے یوم آزادی کی تقریب میں شرکت کی دعوت دی ہے جہاں میں اس قالین کی نمائش کروں گا’۔ان کا ماننا ہے: ’بڑے سائیز کے قالینوں کی اب کوئی خاص مانگ نہیں ہے اور ہم اب مختلف قسم کے چھوٹےقالین تیار کر رہے ہیں تاکہ ان کو آسانی سے فروخت کیا جاسکے‘۔محمد مقبول ڈار نے کہا: ’ہم نے آج تک دیواروں پر آویزاں رکھنے کے لئے مختلف قسموں کے قالین جن پر مختلف قسموں کے پھول ب±نے ہیں تیار کئے ہیں اور اس کے علاوہ ہم نے گھوڑے پر بیٹھا مغل باشادہ اکبر کی تصویر کا بھی ایک قالین تیار کیا ہے اورمختلف جانوروں اور پرندوں کی تصویروں کے قالین بھی بنائے ہیں‘۔انہوں نے کہا کہ مختلف ڈیزائن والے یہ قالین ہماری شہرت کا باعث بن گئے ہیں۔موصوف دستکار نے حکام سے اپیل کی کہ وہ اس صنعت کے دوام کے لئے دستکاروں کو خصوصی مراعات فراہم کرے تاکہ ان کا روز گار بھی مستحکم ہوسکے اور وادی کی یہ شاندار ثقافت زندہ و تابندہ بھی رہے۔یو این آئی