سرینگر//سی این آئی //سرینگر کے لالبازار علاقے میںپولیس پارٹی پر حملے کو بزدلانہ کارروائی سے تعبیر کرتے ہوئے جموں کشمیر کے لیفٹنٹ گورنر منوج سنہا نے کہا کہ واقعہ میںملوث افراد کو انصاف کے کٹہرے میں لایا جائے گا۔ سی این آئی کے مطابق سرینگر کے لالبازار علاقے میں منگل کی شام دیر گئے اس مسلح ملی ٹنٹوں نے پولیس پارٹی کو نشانہ بنا کر حملہ کیا جس کے نتیجے میں پولیس سب انسپکٹر ہلاک ہو گیا جبکہ دو دیگر زخمی ہو گئے ۔
لیفٹنٹ گورنر منوج سنہا نے لال بازار سرینگر میں پولیس پارٹی پر حملے پر شدید غم و غصے کا اظہار کرتے ہوئے اس حملے میں ہلاک ہونے والے اسسٹنٹ سب انسپکٹر کو خراج عقیدت پیش کیا۔ لیفٹنٹ گورنر نے کہا کہ یہ بزدلانہ حرکت ہے اور اس فعل میں ملوث افراد کو انصاف کے کٹہرے میں لایا جائے گا۔منوج سنہا نے کہا ’’میں ہلاک پولیس اہلکار کے اہلخانہ سے اظہار یکجہتی کرتا ہوں‘‘۔ جبکہ حملے میں زخمی ہونے والے پولیس اہلکاروں کی جلد صحت یابی کے لئے دعا کی۔
واضح رہے کہ لال بازار سرینگر میں منگل کی شام عسکریت پسندوں نے پولیس پارٹی پر حملہ کیا میں اسسٹنٹ سب انسپکٹر مشتاق احمد کی موت ہوگئی جبکہ ایس پی او سمیت دو اہلکار شدید طور پر زخمی ہوئے ہیں۔ معلوم ہوا ہے کہ حملے میں زخمیوں میں سے ایک کی حالت نازک بنی ہوئی ہے۔ ادھر ایڈیشنل ڈائریکٹر جنرل کشمیر زون وجے کمار نے منگل کے روز سرینگر کے لال بازار علاقے میں ہوئے عسکری حملے کی تحقیقات کے حوالے سے کہا کہ موقع واردات کے سی سی ٹی وی فوٹیج کی جانچ کی جا رہی ہے ۔
