سرینگر//کے این ایس//وادی کشمیر میں دوسرے روز بھی صبح سے ہی ہلکی سے درمیانی بارشوں کا سلسلہ جاری رہا ہے جس کی وجہ سے یہاں جاری گرمی کے زور ٹوٹ گئے اور لوگوں نے راحت کی سانس لی ہے ۔جموںو کشمیر میں خراب موسم کے پیش نظر امر ناتھ یاترا کو کچھ وقت کے لئے عارضی طور روک دیا گیا ہے ۔اس دوران محکمہ موسمیاکے ڈائر ایکٹر سونم لوٹس نے بتایا کہ جمعہ کے بعد دو پہر تک موسم خراب رہنے کا ا مکان ہے اور سنیچر سے موسم میں مکمل طور بہتری آئے گئی۔
کشمیر نیوز سروس ( کے این ایس ) کے مطابق محکمہ موسمیات کی پیش گوئی کے عین مطابق جموںو کشمیر میں جمعرات کے روز مسلسل دوسرے روز بھی بارشوں کاسلسلہ جاری رہا ہے اور شام تک تقریباً سبھی علاقوں میں رُک رُک کے بارشوں کا سلسلہ جاری تھا متعلقہ محکمے نے پہلے ہی بتایا تھا کہ تین روز تک جموںو کشمیر میں ہلکی سے درمیانی درجے کی بارشیں ہونے کا امکان ہے اس دوران بدھ کے روز زیادہ بارشیں نہیں ہوئی ہے تاہم جمعرات کو صبح سویرے سے ہی تیز بارشوں کا سلسلہ شروع ہوا ہے جو برابر وقفے وقفے سے جاری ہے ۔
ادھر کشمیر نیوز سروس نمائندوں کے مطابق ناز ساز موسمی صورتحال کے پیش نظر شری امرناتھ جی یاترا کو جمعرات کے روز دونوں روٹوں پہلگام اور بالتل سے عارضی طور پر معطل کر دیا گیا۔سرکاری ذرائع نے بتایا کہ ناساز موسمی صورتحال کے باعث پہلگام بیس کیمپ اور بالتل بیس کیمپ سے جمعرات کو یاتریوں کے کسی بھی قافلے کو پوتر گھپا کی طرف روانہ ہونے کی اجازت نہیں دی گئی۔انہوں نے کہا کہ پہلگام اور بالتل روٹس پر ہنوز بارش ہو رہی ہے جس کی وجہ سے یاترا کو عارضی طور روک دیا گیا۔
جبکہ موسمی صورتحال میں بہتری واقع ہونے کے بعد ہی یاترا کی بحالی کے متعلق کوئی فیصلہ لیا جائے گا۔ محکمہ موسمیات کے ڈائریکٹر سونم لوٹس کا کہنا ہے کہ بالتل اور پہلگام روٹس پر جمعرات کو رک رک کر بارشیں متوقع ہیں۔انہوں نے کہا کہ مطلع ابر آلود رہنے کے ساتھ موسم کی یہی صورت حال کل یعنی جمعہ تک جاری رہنے کا امکان ہے۔انہوں نے کہاسنیچر سے موسم میں مکمل طور بہتری واقع ہونا شروع ہوسکتی ہے۔
لوٹس نے بتایا اس وقت موسم کے حوالے سے ایکوریٹ پیش گوئی کر نا باقی دنوں کے لحاظ سے مشکل ہی ہوتا ہے انہوں نے کشمیر نیوز سروس کے ساتھ باات کرتے ہوئے مزید کہا ہے کہ عام لوگوں کے ساتھ ساتھ یاتریوں کو بھی اس حوالے سے احتیاط برتنے کا مشورہ دیا ہے اور موسمی کے حوالے سے پل پل کی جانکاری سے خبر دار رہے جو انہیں یاترا کے دوران محفوظ رکھنے کے ساتھ ساتھ کسی پریشانی سے بچانے میں مدد گار ہو سکتا ہے ۔
