جموںوکشمیر کی ترقی کیلئے وزیر اعظم کا خواب حقیقت میں بد ل رہا ہے ۔ ہردیپ سنگھ پوری
سری نگر/14نومبر/مرکزی وزیر پیٹرولیم اور قدرتی گیس اور مکانات وشہری اَمور ہردیپ سنگھ پوری نے کہا کہ جموںوکشمیر کی ترقی کے لئے وزیر اعظم کا عزم حقیقت میں بدل رہا ہے اور اِس کے حوالے سے کام شد و مد سے جاری ہے۔اُنہوں نے کہا کہ جموںوکشمیر میں وزیر اعظم کے ترقیاتی اقدامات نے عوام او رملک کے درمیان ایک جذباتی رشتہ قائم کیا ہے۔اُنہوں نے مزید کہا،” مرکزی سکیموں سے براہ راست لوگ استفادہ حاصل کرتے ہیں اور مجھے خوشی ہے کہ زمینی سطح پر کام جاری ہے۔“مرکزی وزیر ہردیپ سنگھ پوری نے آج یہاں سری نگر میں میڈیا اَفرادسے خطاب کرتے ہوئے کہا کہ لوگ مرکزی حکومت کے آرٹیکل 370اور 35اے کی رُکاوٹ کو دُور کرنے کے دور اندیش فیصلے کی وجہ سے جموںوکشمیر یوٹی میں اقتصادی ترقی میں سرمایہ کاری کر رہے ہیں۔مرکزی وزیر موصوف نے کہا کہ آرٹیکل 370 کی منسوخی کے بعد جموں وکشمیر یوٹی میں اَب ترقی کی ایک نئی صبح کا آغاز ہوا ہے جس کا اندازہ اِس حقیقت سے لگایا جاسکتا ہے کہ 11,721 کروڑ کی تخمینہ لاگت سے 25نئے نیشنل ہائی وے پروجیکٹوں کو تعمیر کرنے کی منظور ی دی گئی ہے ۔13,600 کروڑ روپے کے 168 مفاہمت ناموں پر دستخط کئے گئے ہیں ، سات نئے میڈیکل کالجوں کو منظور ی دی گئی ہے جس میں میڈیکل نشستیں 500 سے بڑھ کر 955 ہو گئی ہیں، جموںوکشمیر میں دُنیا کا سب سے اونچا ریلوے پُل بنایا گیا ہے ، وندے بھارت ایکسپرس جموں سے دہلی تک چل رہی ہے اور سیاحوں کی آمد میںزائد اَز ایک لاکھ اِضافہ ہوا ہے۔انہوں نے مزید کہا کہ وزارتِ پیٹرولیم او رقدرتی گیس کے تحت پی ایم اُجولا کے تحت تقریباً12لاکھ رسوئی گیس کنکشن فراہم کئے گئے ہیں اور پی ایم اے وائی ( یو ) کے تحت 50,000مکانات کی منظور ی دی گئی ہے۔مرکزی وزیر موصوف نے یہ بھی کہا کہ پیٹرولیم کی قیمتوں میں جولائی 2021ءسے اگست 2022ءتک امریکہ او رکینیڈا میں 43 فیصد سے 46 فیصد تک اِضافہ دیکھنے میں آیا ہے جبکہ ہندوستان دُنیا کا واحد ملک ہے جہاں اِس مدت کے دوران صرف 2فیصد اِضافہ دیکھا گیا ہے ۔وزیر موصوف نے مزید کہا کہ جب دُنیا کے بہت سے ممالک ایندھن کی قلت او رقیمتوں میں بے تحاشہ اِضافے کا مشاہدہ کر رہے ہیں ،ہندوستان میں بھی ملک کے دُور دراز کونوں میں ایندھن کی کوئی کمی نہیں ہے ۔اُنہوں نے سری نگر میں ضلعی اِنتظامیہ کے اَفسران کے ساتھ بات چیت کرتے ہوئے کہا کہ مرکز جموںوکشمیر میں ترقی اور ترقی کے حوالے سے نئے سنگ میل حاصل کرنے کے لئے پُر عزم ہے۔مرکزی وزیر ہردیپ سنگھ پوری نے مختلف ترقیاتی منصوبوں پر کام کی پیش رفت اور پی ایم آواس یوجنا ، پی ایم اجولا ، پی ایم سواندھی ، ایس بی ایم 2.0 اور امرت 2.0 جیسی سرکاری سکیموں کے تحت کئے گئے کاموں کا جائزہ لیا۔وزیر موصوف نے جائزہ میٹنگ میں کہا کہ سالڈ ویسٹ مینجمنٹ کے لئے جدید ٹیکنالوجی کا اِستعمال وقت کی ضرورت ہے اور سری نگر ان شہروں میں شامل ہوگا جہاں ایسی حکمت عملی ترجیحی بنیادوں پر اَپنائی جائے گی۔ اُنہوں نے کہا کہ کوڑاکرکٹ کو جدید معیار کے مطابق پروسیس کرنے کی ضرورت ہے تاکہ اسے ایک جگہ پر ڈمپ نہ کیا جائے جو ماحوالیاتی نظام کے لئے مضر ہے۔اُنہوں نے مختلف مرکزی معاونت والی سکیموں کے استفادہ کنندگان کے ساتھ بات چیت کرتے ہوئے کہا کہ مکانات وشہری امور کے تحت بہت سے سکیمیں اور پروجیکٹ ہیں جن سے لوگوں کو فائدہ اُٹھانے کی ضرورت ہے ۔اُنہوں نے مزید کہا کہ اَب ہم ٹیکنالوجی کے اِستعمال سے وسائل کے اِستعمال کو پہلے کی نسبت بہتر بناسکتے ہیں۔مرکزی وزیر ہردیپ سنگھ پوری نے سمارٹ سٹی پروجیکٹ کے تحت سری نگر میں شروع کئے گئے کاموں کی تفصیل بتاتے ہوئے روشنی ڈالی کہ شہری منصوبہ بندی ضروری ہے کیوں کہ شہروں میں نئی آبادیاں آچکی ہیں او رنئے چیلنجوں سے نمٹنے کے لئے پرانی روایات کو بدلنے کی ضرورت ہے۔اُنہوں نے کہا کہ شہری کام کا ایک لٹمس ٹیسٹ ہے جو شہریوں کے لئے فوائد پیدا کرنا ہے او راس کے لئے لوگوں کی آواز کو سننے کی ضرورت ہے۔وزیر موصوف نے شہری علاقوں میں ترقی کی وجہ سے معاشی فروغ پر تبصرہ کرتے ہوئے کہا کہ شہری جگہ کو پہلے نظر اَنداز کیا گیا تھا او رحکومت نے اِس سیکٹر میں اِصلاحات کا موقعہ اُٹھایا جو اِس حقیقت سے عیاں ہے کہ شہر اَب ملک کاجی ڈی پی میں سب سے زیادہ شراکت دار ہیں۔مرکزی وزیر ہردیپ سنگھ پوری کو ضلعی اِنتظامیہ کی جانب سے شہر کی تعمیر نو کے بارے میں بریفنگ دی گئی ۔اُنہوں نے مختلف پروجیکٹوں کی بروقت تکمیل کے لئے لگن سے کام کرنے پر اِنتظامیہ کہ سراہنا کی۔اُنہوں نے ضلعی اِنتظامیہ او ربلدیاتی اِداروں کو سالڈ ویسٹ مینجمنٹ سے نمٹنے کے لئے مناسب اقدامات کرنے ، سنگل یوز پلاسٹک کے استعمال کی حوصلہ شکنی او رلوگوں کی آواز کو بروقت سننے کا مشورہ دیا۔وزیرموصوف نے مختلف سکیموں کے اِستفادہ کنندگان کو منظوری نامے سونپتے ہوئے کہا کہ ترقی کے ثمرات نچلی سطح پر غریب ترین اَفراد تک پہنچنے چاہئیں۔اِس موقعہ پر صوبائی کمشنر کشمیر پانڈورانگ کے پولے ، ضلع ترقیاتی کمشنر سری نگر اعجاز اسد ، کمشنر سری نگر میونسپل کاپوریشن اطہر عامر او رضلعی اِنتظامیہ کے دیگر اعلیٰ اَفسران موجود تھے۔
جموں وکشمیر کی ترقی کیلئے وزیر اعظم کا خواب حقیقت میں بد ل رہا ہے ۔ ہردیپ سنگھ پوری
Previous Post
لیفٹیننٹ گورنر نے جموں میں 69 ویںاِمداد باہمی ہفتہ کی تقریبات کا کیااِفتتاح جموں/14نومبر/لیفٹیننٹ گورنر منوج سِنہا نے جموں یونیورسٹی کے جنرل زور آور سنگھ آڈیٹوریم میں ایک تقریب کے دوران جموںوکشمیر یوٹی میں 69 ویں آل اِنڈیا اِمدادِ باہمی ہفتہ کی تقریبات کا اِفتتاح کیا۔لیفٹیننٹ گورنرنے جموںوکشمیر یوٹی میں کوآپریٹیو سیکٹر کی ترقی کے لئے ایک مضبوط ماحولیاتی نظام کی تعمیر میں کوآپریٹیو موومنٹ سے وابستہ تمام شراکت داروں کے کردار کی ستائش کی۔اُنہوں نے کہا کہ سماجی اِداروں کے فروغ ، اِس کی اَقدار اور مساوات اور یکجہتی کے اَصولوں کے فروغ کے لئے جن آندولن دیہی جموںوکشمیر میں سماجی و اِقتصادی ترقی لانے کے لئے اہم ہے۔اُنہوں نے مزید کہا کہ وزیر اعظم نریندر مودی جی اور وزیر داخلہ امیت شاہ جی کی رہنمائی میں کوآپریٹیو کو زراعت ، دستکاری ، چینی ، ڈیری، ٹیکسٹائل ، ماہی پروری ، سٹوریج ، فوڈ پروسسنگ اور چھوٹے اورپسماندہ کسانوں کی ترقی کو یقینی بنانے کے لئے ایک مو¿ثر اِقتصادی آلہ کے طور پر تبدیل کیا جارہا ہے۔لیفٹیننٹ گورنر نے کہا کہ اِمدادِ باہمی جموںوکشمیر یوٹی کے دُور دراز علاقوں ، غریب اور پسماندہ طبقات تک پہنچنے کا بہتر ین ذریعہ ہےں۔اُنہوں نے کہا کہ سٹارٹ اَپس کے دور میں ہمیں نوجوانوں کی اُمنگوں کو پورا کرنے کی ضرورت ہے اور اِمداد باہمی کو مسلسل خود کو نئے سرے سے ایجاد کرنے کی ضرورت ہے ۔ اُنہوں نے مزید کہا کہ اِمدادِ باہمی کو اِقتصادی او رسماجی ترقی کے لئے قائم کیا جانا چاہیے۔لیفٹیننٹ گورنر نے جموںوکشمیر یوٹی میں کوآپریٹیو سیکٹر کے تحت حصولیابیوں پر روشنی ڈالتے ہوئے جموں وکشمیر میں کوآپریٹیو تحریک کو مضبوط بنانے کے حکومت کے نظریہ¿ کو شیئر کیا۔اُنہوں نے کہا کہ اِس برس کا تھیم ” اِنڈیا @ 75: اِمدادِ باہمی کی ترقی اور آگے کا مستقبل“ ہمارا عزم ہے کہ نوجوانوں اور خواتین کی خصوصی شرکت سے اِمداد باہمی قابل عمل کاروبار ی ماحولیاتی نظام بنایا جائے اور ” ساہکار سے سمردھی “ کوسمجھنے کے لئے کوآپریٹیو پر مبنی اِقتصادی ماڈل کو فعال کیا جائے ۔اُنہوں نے کہا کہ کوآپریٹیو اِن چیلنجوں سے نمٹنے کی ضرورت ہے جن کا آج ہماری دیہی معیشت او رلوگ سامنا کر رہے ہیں اور اُنہیں مالی اور غیر مالی فوائد کی پیش کش کرنی چاہیے۔ اُنہوں نے کہا کہ چوں کہ یہ مقامی ممبران کی طرف سے چلایا جاتا ہے جو ضرورت کو سمجھتے ہیں ۔اِس لئے یہ صحت ، تعلیم ، زراعت ، کریڈٹ ، سیاحت ، گرین اَنرجی او رمہمان نوازی کے شعبوں پر زیادہ اَثر ڈال سکتا ہے۔لیفٹیننٹ گورنر نے کہا کہ جموںوکشمیر اِنتظامیہ کوآپریٹیو کی رجسٹریشن ، شراکت داروں کی تربیت او رصلاحیت کی تعمیر ، کوآپریٹیو مارکیٹوں کو جدید بنانے ، نظام میں شفافیت لانے اور نئی منڈیاں بنانے اور سرکاری محکموں کو ان بازاروں سے براہ راست خریداری کرنے کے قابل بنانے پر خصوصی زو ردے رہی ہے ۔اُنہوں نے کہا کہ ہم نے گذشتہ ایک برس میں 1,006 کوآپریٹیو رجسٹر کئے ہیں اور جن ابھیان کے دوران 31,578 ممبران کو تربیت دی گئی ۔ اُنہوں نے کہا کہ اِس سے ظاہر ہوتا ہے کہ نیٹ ورک کو وسیع کرنے اور کوآپریٹیو کے پیشہ ورانہ کام کے لئے صلاحیت کی تعمیر کو یقینی بنانے کے لئے پُر عزم کوششیں کی جارہی ہیں۔اُنہوں نے کہا کہ ہم ناکارہ کوآپریٹیو کو بحال کرنے کے لئے بھی پُر عزم ہےں ۔ اُنہوں نے مزید کہا کہ تین ڈسٹرکٹ کوآپریٹیو بینکوں کے حق میں دوبارہ سرمایہ کاری کی 255.71 کروڑ روپے رقم ان کی مالی صحت کو بہتر بنانے کے لئے جار ی کئے گئے ۔لیفٹیننٹ گورنر نے کہا کہ اِمدادِ باہمی کو لوگوں کو بااِختیار بنانے کے لئے روزگار اور آمدنی پیدا کرنے کے لئے کاروبار ی عمل داری او رصلاحیت کو بھی بہتر بنانے کی ضرورت ہے ۔ اُنہوں نے زور دیا کہ نئی کوآپریٹیو کی تشکیل عوام پر مبنی ہونی چاہیے ، نئی کوآپریٹیو کی مانگ معاشرے سے آنی چاہیے اور ایک تجارتی ادارے کے طور پر ان کی کامیابی دوسروں کی حوصلہ اَفزائی کرے گی۔لیفٹیننٹ گورنر نے پرائمری ، ضلع اور ریاستی سطح کے کوآپریٹیو کے درمیان قریبی تال میل کو فروغ دینے کی ضرورت پر زور دیا ۔ سیلف ہیلپ گروپوں اور دستکاری کوآپریٹیو کے درمیان کراس مارکیٹنگ کی کوششیں خواتین کو بااِختیار بنانے او رآمدنی پید اکرنے والی مختلف سرگرمیوں میں حصہ اَدا کرسکتی ہیں۔ اُنہوں نے مزید کہا کہ اِس طرح کی کوششیں دیہی علاقوں میں کوآپریٹیو کو متحرک اِداروں کے طورپر تبدیل کرسکتی ہیں۔اُنہوں نے کہا کہ حکومت کی توجہ نئی کثیر مقصدی کوآپریٹیو کی تشکیل کے لئے تشہیری مہم پر ہے ، فی شخص زیادہ کوآپریٹیو میں اِضافہ کرکے علاقائی عدم توازن کو کم کرنا اور نئے اور تجارتی اعتبار سے قابل عمل شعبوں کی تلاش ہے۔لیفٹیننٹ گورنر نے دیگر رِیاستوں کے کامیاب ماڈلوں کی نقل تیار کرنے اور معاشرے کے کمزور طبقوں کی عمل داری کو ذہن میں رکھتے ہوئے ایک جامع فریم ورک تیار کرنے پر بھی زور دیا۔ اُنہوں نے کہا کہ کوآپریٹیو سیکٹر میں محروم او ر پسماندہ طبقات کے اَرکان کی مناسب نمائندگی ہونی چاہیے۔اُنہوں نے زرعی بنیادی ڈھانچہ فنڈ سے ایف پی اوز تک کیپٹل انفیوژن اور مارکیٹ تک رَسائی فراہم کرنے اور گوداموں کی تعمیر شروع کرنے کے لئے ان کی حوصلہ اَفزائی کرنے پر زور دیا جیسا کہ دیگر ریاستوں اور یوٹیز میں کیا جارہا ہے۔لیفٹیننٹ گورنر نے ہر گاﺅں میں کثیر مقصدی اور کثیر جہتی پی اے سی ایس ( پرائمری ایگری کلچرل کریڈٹ سوسائٹیز ) کے قیام کے لئے کی جارہی کوششوں پر بھی بات کی۔لیفٹیننٹ گورنر کے مشیر راجیور ائے بھٹناگر نے اَپنے خطاب میں کہا کہ سہکار سے سمردھی کا نصب العین کوآپریٹیو سے عام آدمی کی بہتری اور فائدہ کے لئے وقف ہے۔اِس موقعہ پر ایڈیشنل چیف سیکرٹری محکمہ زرعی پیداوار اَتل ڈولو نے کہا کہ کوآپریٹیو سیکٹر کو نئی توانائی کے ساتھ بحال کیا جارہا ہے ۔ اُنہوں نے 69ویں آل اِنڈیا اِمدادِ باہمی ہفتہ کے اِفتتاح پر اَپنی مبارک باد پیش کی ۔سیکرٹری اِمدادِ باہمی محترمہ یشامدگل نے اَپنے اِستقبالیہ خطاب میں محکمہ کی حصولیابیوں پر روشنی ڈالی او ر69 ویں آل اِنڈیا اِمدادِ باہمی ہفتہ کے اغراض و مقاصد کے بارے میں جانکاری دی ۔اِس موقعہ پر لیفٹیننٹ گورنر نے ایف پی اوز ، کوآپریٹیوز کو رجسٹریشن سر ٹیفکیٹ حوالے کئے ، کوآپریٹیو سوسائٹیز کو مبارک باد دی اور محکمہ اِمداد باہمی کی جانب سے لگائے گئے سٹالوں کا بھی معائینہ کیا ۔ کوآپریٹیو ڈیپارٹمنٹ کا ایک کمپنڈیم بھی جاری کیا گیا۔اِس موقعہ پر اے ڈی جی پی جموں مکیش سنگھ ، اِنتظامی سیکرٹریز ، جموںوکشمیر اِنتظامیہ کے اَفسران کے علاوہ کوآپریٹیو کے نمائندے، ممبران اورکوآپریٹیو سکولوں کے طلبا ءموجود تھے۔
Next Postایڈیشنل چیف سیکرٹری نے کسانوں کے فائدے کیلئے فلیگ شپ سکیموں کی صورتحال کا جائزہ لیا
