اپنی پارٹی کے صدر دفتر پر جوش و خروش کےساتھ یوم آزادی کی تقریب کا اہتمام
سرینگر/15اگست/ اپنی پارٹی کے صدر دفتر سرینگر میں آج جوش و خروش کے ساتھ یوم آزادی کی تقریب کا اہتمام کیا گیا، جس میں پارٹی سربراہ سید محمد الطاف بخاری نے ملک کا پرچم لہرایا. اس موقع پر پارٹی کے سینئر لیڈران اور کارکنان کی ایک بڑی تعداد موجود تھی۔موصولہ بیان کے مطابق اپنی پارٹی کے سربراہ سید محمد الطاف بخاری نے جب قومی پرچم بلند کیا تو موقع پر جوش و خروش کا ماحول پیدا ہوا اور وہاں پر موجود رہنماو¿ں اور سینئر کارکنوں نے قومی ترانہ گایا۔ تقریب کے بعد سید محمد الطاف بخاری نے صحافیوں سے بات کرتے ہوئے یوم آزادی پر ملک اور جموں کشمیر کے عوام کو مبارکباد پیش کی۔ انہوں نے کہا، “آج کا دن انتہائی اہمیت کا حامل ہے کیونکہ آج ہم اپنی قوم کا 77 واں یوم آزادی منا رہے ہیں۔ 1947 میں اس دن ہندوستان نے برطانوی استعمار کے خلاف ایک طویل جدوجہد اور ان گنت قربانیوں کے بعد آزادی حاصل کرنے میں کامیابی حاصل کی ہے۔ میں ملک بالخصوص جموں کشمیر کے عوام کو یوم آزادی کی مبارکباد پیش کرتا ہوں۔ میری دعا ہے کہ آج کا یہ مقدس دن اس ملک کے تمام شہریوں کی زندگیوں میں سکون اور خوشحالی کو نوید لے آئے۔” اس موقع پر پارٹی کے جو سرکردہ رہنما موجود تھے، ان میں پارٹی کی پارلیمانی امور کمیٹی کے چیئرمین محمد دلاور میر، نائب صدر ظفر اقبال منہاس، نائب صدر عثمان مجید، جنرل سیکرٹری رفیع احمد میر، صوبائی صدر محمد اشرف میر، سرینگر کے سینئر پارٹی رہنما جنید عظیم متو بھی اس موقع پر موجود تھے۔اس موقع پر ریاستی سکریٹری و ترجمان منتظر محی الدین، میڈیا ایڈوائزر سید فاروق اندرابی، ضلع صدر کپوارہ راجہ منظور، ریاستی کنوینر حاجی پرویز، ضلع صدر سرینگر نور محمد شیخ، سینئر لیڈر یاور میر، پارٹی کی خواتین ونگ کی صوبائی صدر دلشادہ شاہین، سینئر نائب صدر ضلع سرینگر محمد شفیع میر، سرینگر کے عیدگاہ حلقہ انتخاب کے انچارج محمد اشرف پالپوری، شعیب ڈار، محسن ظفر شاہ، خالد راٹھور، نور محمد خان، جیلانی کمار، پیر وجاہت، شیخ نثار، اشرف ڈار، اعجاز احمد خان، افروزہ جی، تنویر پٹھان، مسرت علی، ارشاد احمد شاہ، رابن سنگھ، بلال احمد شاہ، نذیر احمد ڈار، محمد شفیع ڈار، عادل احمد، اعجاز رسول، محمد سلیم بٹ، اور دیگر لیڈران شامل تھے۔
اپنی پارٹی کے صدر دفتر پر جوش و خروش کےساتھ یوم آزادی کی تقریب کا اہتمام
