شوپیاں میں ہابرڈ ملی ٹینٹ پستول سمیت گرفتار :پولیس

شوپیاں میں ہابرڈ ملی ٹینٹ پستول سمیت گرفتار :پولیس
سری نگر/16اکتوبر/یو این آئی/ جنوبی ضلع شوپیاں میں سیکورٹی فورسز نے ہابرڈ جنگجو کو پستول سمیت گرفتار کرنے کا دعویٰ کیا ہے۔پولیس ذرائع نے بتایا کہ شوپیاں پولیس، 34آر آر اور 178بٹالین سی آر پی ایف نے مصدقہ اطلاع موصول ہونے کے بعد شوپیاں کے مانہال ، آلورا اور ڈی کے پورہ میں ناکہ لگایا۔انہوں نے کہا کہ مانہال ناکہ چیکنگ پر مامور سیکورٹی فورسز اہلکاروں نے ایک مشتبہ نوجوان کو رکنے کا اشارہ کیا جس نے راہ فرار اختیار کرنے کی کوشش کی تاہم سلامتی عملے نے پیشہ وارانہ صلاحیتوں کو بروئے کار لا کر نوجوان کو دھر دبوچا۔پولیس ذرائع نے مزید بتایا کہ گرفتار ملی ٹینٹ کی شناخت بلال احمد شاہ ولد مراق شاہ ساکن ویسو قاضی گنڈ کے بطور ہوئی ہے اور اس کے قبضے سے ایک پستول، ایک میگزین ، 14پستول گولیوں کے راونڈ، موبائیل فون اور آدھار کارڈ برآمد کرکے ضبط کیا گیا۔ابتدائی تفتیش کے دوران گرفتار ہابرڈ ملی ٹینٹ نے بتایا کہ شوپیاں میں حملوں کو انجام دینے کی خاطر اسے ایک سرگرم جنگجو نے پستول فراہم کیا۔پولیس نے اس ضمن میں مختلف دفعات کے تحت کیس درج کرکے مزید تحقیقات شروع کی ہے۔یو این آئی