جموںانفو/18جنوری /سیکرٹری محکمہ اِمداد باہمی ببیلا رکوال نے رجسٹرار کوآپریٹیوسوسائٹیزجموں و کشمیرمحمد شفیق چک کے ساتھ جموںکوآپریٹیو ہول سیل لمیٹڈ،سپر بازار جموں اور گورنمنٹ میڈیکل کالج بخشی نگراور ایس ایم جی ایس ہسپتال شالہ مار جموں میں سپر بازار کی میڈیکل دُکانوں کا اَچانک دورہ کیا۔اُنہوں نے گاندھی نگر کے گول مارکیٹ میں واقع سپر بازار دکان کا بھی دورہ کیا۔ اُنہوں نے میڈیکل شاپوں کے دورے کے موقعہ پر متعلقہ افسران کو ہدایت دی کہ وہ سپر بازار کی فیئر پرائس میڈیکل شاپس کے بارے میں عوام الناس میں بیداری پیدا کریں جہاں چوبیس گھنٹے ادویات رعایتی نرخوں پر دستیاب ہیں۔سیکرٹری موصوفہ نے سپر بازار جموں کا دورہ کرتے ہوئے تمام حصوں کا معائینہ کیا اور عملے کو ہدایت دی کہ وہ تمام پلیٹ فارموں پر وسیع تر تشہیری سرگرمیوں کے ذریعے سیلز اِضافہ کریں۔ سیکرٹری موصوفہ نے کوآپریٹیوسیکٹر میں اَنٹرپرینیورشپ کی حوصلہ افزائی کے لئے جموںوکشمیر یوٹی کی مختلف کوآپریٹیو سوسائٹیوں کی مصنوعات کو فروغ دینے پر زور دیا۔سیکرٹری نے عملے کو سپر بازار کمپلیکس سٹی چوک میں سولر پینلوںکی تنصیب کا عمل شروع کرنے کی بھی ہدایت دی۔اِس موقعہ پرسیکرٹری اور رجسٹرار کوآپریٹیو سوسائٹیز جموں و کشمیر کے ساتھ محکمہ کے افسران کی ایک ٹیم تھی جس میں ایڈیشنل رجسٹرار کوآپریٹیو سوسائٹیز جموں چمپا دیوی، جوائنٹ رجسٹرار سپیشل جموں، ایڈمنسٹریٹرسپر بازار، ڈپٹی رجسٹرار کوآپریٹیوسوسائٹیز جموں، جنرل منیجرسپر بازار جموں ، سینئر آڈیٹر کوآپریٹیو سوسائٹیز جموں شامل تھے۔
سیکرٹری اِمداد باہمی نے سپر بازار جموں کے مختلف دکانوں کا اچانک کیامعائینہ
