نئی دلی// ہندوستان دونوں ملکوں کی خواہشات کو پورا کرنے کے لیے افریقہ کے ساتھ چار شعبوں میں اپنی شراکت داری کو مضبوط کرنے کا منصوبہ رکھتا ہے۔ پہلا شعبہ شمسی توانائی ہے، اس سے صاف توانائی، توانائی کی حفاظت میں مدد ملے گی اور افریقہ میں ملازمتیں پیدا ہوں گی۔
دوسرا بحر ہند میں دفاعی تجارت اور فوجی تبادلے، بکتر بند گاڑیوں کی تیاری اور تیسرا فزیکل اور ڈیجیٹل انفرا ہے، آئی ٹی،کنسلٹنسی اور پروجیکٹ ایکسپورٹ میں مدد کرنا اور چوتھا ہیلتھ کیئر اور فارما ہے۔بھارت افریقہ گروتھ پارٹنرشپ پر سی آئی آئی ۔ ایگزم بینک کنکلیو کے افتتاحی سیشن سے خطاب کرتے ہوئے، مرکزی وزیر تجارت و صنعت جناب پیوش گوئل نے کہا کہ ہندوستان اور افریقہ کے ممالک کے درمیان گہری دوستی ہے۔ دونوں ملکوں کے درمیان رشتہ مشترکہ تاریخ، تجارتی تعلقات اور سنیما سے محبت پر مبنی ہیں۔ انہوں نے کہا کہ مہاتما گاندھی نے سب سے پہلے افریقہ میں ستیہ اور اہنسا کے اصولوں پر عمل کیا۔ ہماری آزادی کی جدوجہد میں مماثلت نے ہماری دوستی کی بنیاد کو مضبوط کیا ہے۔جناب گوئل نے کہا کہ ہماری حکومت افریقہ کی مصروفیات کو سب سے زیادہ ترجیح دیتی ہے۔
انہوں نے کہا کہ ہم یقین دلائیں گے کہ افریقہ کے ساتھ ہندوستان کے تعلقات اعتماد، دوستی اور ایک دوسرے کی ضروریات کو سمجھنے پر مبنی ہیں۔انہوں نے مزید کہا کہ ہندوستان اور افریقہ کی شراکت داری ہمارے آگے بڑھنے کے سفر میں اہم رول ادا کرے گی کیونکہ ہندوستان اور افریقہ مجموعی طور پر دنیا کی آبادی کا 1/3 حصہ ہیں اور ہم دونوں کئی شعبوں میں بہت الگ ہیں۔جناب گوئل نے کہا کہ تمام افریقی ممالک کے ساتھ مل کر سی آئی آئی اورایگزم بینک کے درمیان روابط ہمارے مشترکہ مستقبل اور افریقہ اور ہندوستان کے لوگوں کی خوشحالی میں بہت اہم کردار ادا کریں گے۔
انہوں نے کہا، ہم ترقی پذیر دنیا کو غذائی عدم تحفظ سے نکالنے کے لیے کام کر رہے ہیں۔ ہندوستان اور افریقہ کے لوگوں کو معیاری زندگی اور خوشحالی پہنچانے کی کوششیں کی جا رہی ہیں۔ ہماری گہری دوستی کا بہترین مظاہرہ کووڈ کے دوران ویکسین میتری کے ذریعے ہماری مسلسل مصروفیت سے کیا جا سکتا ہے۔
