جموں/ 24 دسمبر /انفو/ڈائریکٹوریٹ آف انفارمیشن اینڈ پبلک ریلیشنز کے ڈائریکٹر مسٹر نتیش راجورا نے جموں جوٹنگز اخبار کے بانی اور ایڈیٹر انچیف مسٹر سبھاش مہرہ کی وفات پر گہرے دُکھ اور صدمے کا اظہار کیا ہے ۔ مسٹر مہرہ طویل بیماری کے بعد آج اے ایس سی او ایم ایس ہسپتال میں وفات پا گئے ۔ راحتِ مرحوم اور مغفرت کی دعا کرتے ہوئے ڈائریکٹر موصوف نے سوگوار خاندان کے ساتھ گہری ہمدردی اور تعزیت کا اظہار کیا اور دعا کی کہ اللہ تعالیٰ مرحوم کی روح کو جنت الفردوس میں اعلیٰ مقام عطا فرمائے اور اہلِ خانہ کو اس ناقابل تلافی نقصان پر صبر جمیل عطا کرے ۔ ڈائریکٹر موصوف نے مرحوم سبھاش مہرہ کو ایک نیک روح اور عظیم انسان قرار دیا ، جنہوں نے اپنی صحافتی قابلیت اور عزم کے ذریعے ہمیشہ عام لوگوں کے مفادات کی ترجمانی کی ۔ انہوں نے کہا کہ مرحوم مہرہ کی وفات سے صحافت کی دنیا میں ایک خلاءپیدا ہو گیا ہے اور میڈیا برادری ہمیشہ ان کی سماجی خدمات کو یاد رکھے گی ۔ ڈائریکٹر نے مرحوم کے صاحبزادہ اور منیجنگ ایڈیٹر مہت مہرہ کے ساتھ بھی یکجہتی کا اظہار کیا ۔
