کانپور//وزیر اعظم نریندر مودی نے پیر کو سبھی سیاسی جماعتوں سے اپیل کی کہ وہ کسی شخص یا پارٹی کے تئیں اپنی مخالفت کو اس حد تک آگے نہ لے جائیں جس سے کہ وہ ملک کی مخالفت میں تبدیل ہوجائے۔مودی نے سماج وادی نظریات کے حامل سینئر لیڈر چودھری ہرمون سنگھ کی 10ویں برسی کے موقع پر کانپور کے مہر بان پورا میں منعقد تقریب سے ورچولی خطاب کرتے ہوئے کہا کہ نظریا پر مبنی مخالفت کی حدود کا احترام کرنا بھی سیاسی پارٹیوں کی ذمہ داری ہے۔
انہوں نے کہا یہ ہر ایک سیاسی پارٹی کی ذمہ داری ہے کہ پارٹی کی مخالفت یا شخص کی مخالفت ملک کی مخالفت میں نہ تبدیل ہو۔ نظریات کا اپنا مقام ہے اور ہونا چاہئے۔ سیاسی توقعات ہیں تو ہو سکتی ہیں لیکن ملک سب سے پہلے ہے۔ سماج سب سے پہلے۔مودی نے کہا کہ ایمرجنسی کے دوران جب ملک کی جمہوریت کو کچلا گیا تو سبھی اہم پارٹیوں نے ایک ساتھ آکر آئین کو بچانے کے لئے لڑائی بھی لڑی۔ انہوں نے کہا کہ اس لڑائی میں چودھری ہرموہن سنگھ یادو بھی جدوجہد کے ایک جانباز سپاہی تھے۔
یہ اس بات کا مظہر ہے کہ آزاد ہندوستان میں ملک اور سماج کے مفاد ہمیشہ سیاسی پارٹیوں کے نظریات سے بڑے رہے ہیں۔مودی نے سیاسی عزائم اور پارٹی سیاست سے ملکی مفاد متاثر ہونے کی روایت پڑھنے پر تشویش کا بھی اظہار کیا۔ انہوں نے کہا حالانکہ حال کے وقت میں نظریات یا سیاسی مفاد کو سماج اور ملک کے مفاد سے بھی اوپر رکھنے کا چلن شروع ہوا ہے۔
کئی بار تو حکومت کے کاموں میں اپوزیشن کے کچھ پارٹیاں اس لئے روکاوٹ ڈالتی ہیں کیونکہ جب وہ اقتدار میں تھیں تو وہ فیصلے وہ نافذ نہیں کر سکیں۔وزیر اعظم نے دلیل دی کہ سیاسی پارٹیوں کا وجود جمہوریت کی وجہ سے ہے اور جمہوریت کا وجود ملک کی وجہ سے ہے۔ انہوں نے کہا ہمارے ملک میں زیادہ تر پارٹیوں نے خصوصی طور سے سبھی غیر کانگریسی پارٹیوں نے اس نظریہ کو ملک کے لئے تعاون اور تال میل کے اقدار کو نبھایا بھی ہے۔
اس کے لئے انہوں نے چودھری ہرموہن سنگھ کی مثال پیش کرتے ہوئے کہا کہ ہرموہن سنگھ جی نے 1984 کے سکھ مخالف فسادات میں نہ صرف سکھ قتل عام کے خلاف سیاسی اسٹینڈ لیا بلکہ سکھ بھائی۔ بہنوں کے دفاع کے لئے وہ سامنے آکر لڑے۔ اپنی جان پر کھیل کر انہوں نے کتنے ہی سکھ کنبوں کی، معصومی کی جان بچائی، ملک نے بھی ان کے اس قیادت کو پہچانا اور انہیں ‘شوریہ چکر دیا۔قابل ذکر ہے کہ ضلع کانپور میں گرام سبھا کے عہدے پر الیکشن جیت کر اپنا سیاسی سفر شروع کرنے والے چودھری ہرموہن سنگھ سماج وادی تحریک کے اہم لیڈر کے طور پر ابھرے اور پارلیمنٹ کے ایوان بالا راجیہ سبھا تک کے رکن رہے۔ان کے تعاون کو یاد کرتے ہوئے مودی نے کہا لوہیا جی کے نظریات کو اترپردیش اور کانپور کی دھرتی سے ہرموہن سنگھ یادو جی نے اپنی لمبی سیاسی زندگی میں آگے بڑھایا۔ انہوں نے ریاست اور ملک کی سیاست میں جو تعاون دیا سماج کے لئے کام کیااس سے آنے والی نسلیں مستفید ہورہیں۔
