جموں/////انفو;;;;وزیربرائے صحت و تعلیم طبی، سماجی بہبود اور تعلیم سکینہ اِیتو نے سول سیکرٹریٹ میں منعقددہ ایک ورچیول میٹنگ میں جنوبی کشمیر کے اَضلاع اننت ناگ،کولگام، پلوامہ اور شوپیان میں مختلف محکموں کی موسم سرما کی تیاریوں کا تفصیلی جائزہ لیا۔دورانِ میٹنگ وزیر سکینہ نے متعلقہ اَضلاع کے اَفسران کو ہدایت دی کہ ضروری خدمات اور رسد کی فراہمی سردی کا موسم شروع ہونے سے پہلے یقینی بنایا جائے۔ اُنہوں نے دُور دراز اور بھاری برفباری والے علاقوں میں اَدویات، راشن اور دیگر اہم اشیا¿ کا پیشگی ذخیرہ کرنے کی اہمیت پر زور دیا تاکہ سخت موسمی حالات کے دوران کسی قسم کی رکاوٹ پیدا نہ ہو۔ اُنہوں نے شہری اِنتظامیہ، صحت حکام اور محکمہ تعمیراتِ عامہ کے درمیان ہم آہنگی کی ضرورت پر بھی زور دیا تاکہ رہائشیوں مسلسل ٹرانسپورٹیشن اور طبی سہولیات یقینی بنائی جا سکیں۔اُنہوںنے اِس بات پر زور دیا کہ دُور دراز علاقوں میں رہنے والے لوگوں کوفراہمی میں تاخیر یا اِنتظامی خلا کی وجہ سے کسی مشکل کا سامنانہیں کرنا چاہیے۔ اُنہوں نے کہا،” سرمائی تیاری محض ایک معمولی کارروائی نہیں بلکہ عوامی حفاظت اور بہبود کے لئے ایک عزم ہے۔“وزیر موصوفہ نے اَفسران کو ہدایت دی کہ بفر سٹاک قائم رکھیں، کنٹرول روم فعال کریں اور تیز ردِّعمل ٹیمیں سٹینڈ بائی پر رکھیں۔ اُنہوں نے موسم سرما کے دوران ضروری ادویات، ایمبولینس خدمات اور فعال صحت مراکز کی دستیابی کو یقینی بنانے کے لئے باقاعدہ نگرانی کی ضرورت پر بھی زور دیا۔اُنہوں نے محکموں سے کہا کہ پسماندہ آبادیوں کی نشاندہی کریں اور انہیںسپلائی متحرک کرنے کے لئے ترجیح دیں بالخصوص اونچے علاقوں میں جو اکثر بھاری برفباری کی وجہ سے طویل عرصے تک منقطع رہتے ہیں۔دوران میٹنگ متعلقہ اَضلاع کے افسران نے وزیرموصوفہ کو اَپنے اَپنے اَضلاع کے موسم سرما کی تیاری کے پلان کے بارے میںجانکاری دی۔
سکینہ اِیتو نے جنوبی کشمیر کے تمام اَضلاع میں سرمائی تیاریوں کا تفصیلی جائزہ لیا
