کڑے سیکورٹی انتظامات کے بیچ یوم جمہو ریہ کی تقاریب اختتام پذےر

کڑے سیکورٹی انتظامات کے بیچ یوم جمہو ریہ کی تقاریب اختتام پذےر
سرینگر…..26جنوری….سی این ایس…..سخت سیکورٹی انتظامات کے بیچ بھارت کے یوم جمہوریہ کی تقریبات منائی گئیں۔ جموں وکشمےر مےں سب سے بڑی تقریب مولانا آزاد سٹیڈیم جموں میں منعقد ہوئی جہاں پر لیفٹنٹ گورنر منہوج سنہا نے قومی جھنڈا لہرایا جبکہ سرینگر میں واقع بخشی اسٹیڈیم میںلیفٹیننٹ گورنر کے مشیربھٹناگرنے پرچم کشائی کی رسم ادا کی اور مرکزی نیم فوجی دستوں، جموں وکشمیر پولیس، ہوم گارڈس اور فائر اینڈ ایمرجنسی سروس کے دستوں کی جانب سے پیش کئے جانے والے مارچ پاسٹ کی سلامی لی۔ ےوم جمہورےہ کی سب سے بڑی تقریب مولانا آزاد سٹیڈیم جموں میں منعقد ہوئی جہاں پر لےفٹنٹ گورنر منہوج سنہا نے قومی جھنڈا لہرایا۔ مولانا آزاد سٹیڈیم جموں میں منعقدہ اس تقریب میں ایل جی نے پریڈ کا معائنہ کیا اور مارچ پاسٹ پر سلامی لی۔ مارچ پاسٹ میں فوج، سرحدی حفاظتی فورس، سینٹرل ریزرو پولیس فورس کے علاوہ جموں وکشمیر آرمڈ پولیس کے مرد و خواتین، سٹیٹ ڈیزاسٹر رسپانس فورس، جے اینڈ کے فائیر اینڈ ایمرجنسی سروسز، جے اینڈ کے فارسٹ پروٹیکشن فورس، سابق فوجیوں، این سی سی، بھارت سکاو¿ٹس اینڈ گائیڈس، فوج، بی ایس ایف، ریاستی پولیس، آرمڈ پولیس کے چاک و چوبند دستوں کے علاوہ سکولی بچوں نے شرکت کی۔اس تقریب میں سابق ارکان قانون ساز کونسل واسمبلی، ریاستی ہائی کورٹ کے جج صاحبان، سول و پولیس انتظامیہ کے اعلیٰ افسران، فوج کے افسران، سیاسی و سماجی کارکنوں، معزز شہری، ذرائع ابلاغ کے نمائندوں اور عام لوگوں کی ایک کثیر تعداد نے بھی شرکت کی۔اس موقعہ پر مقامی سکولوں سے تعلق رکھنے والے سینکٹروں طلباء نے قومی یکجہتی کے موضوع پر مختلف رنگا رنگ تمدنی پروگرام پیش کئے۔ کئی سکولی بچوں نے”بھارتیم“ اور سی آر پی ایف ہیڈ کوارٹرس بن تالاب جموں کے جوانوں نے”کھرگم“ پیش کر کے حاضرین کو محظوظ کیا اور دادِ تحسین حاصل کی۔فوج کے جوانوں نے فوجی ہتھیاروں و سازو سامان، ائیر فورس نے ہوائی کرتب اور جموں وکشمیر کے جانبازوں نے موٹر سائیکوں پر کرتب دکھائے۔ اس موقعہ پر موجود لوگوں نے تالیاں بجا کر آن کا حوصلہ بڑھایا۔ ادھر سرینگر کے بخشی سٹیڈیم میں جمعہ کو یومِ جمہوریہ کی تقریبات میں شرکت کیلئے بڑی تعداد میں لوگوں کی بھیڑ ا±مڈ آئی ہے۔پچھلے سالوں کے برعکس، جب عوام کی شرکت محدود تھی اور حفاظتی اقدام کے طور پر انٹرنیٹ خدمات کو معطل کر دیا گیا تھا، رواں سال کی تقریب روایت سے ہٹ کر صوبائی کمشنر کشمیر وی کے بدھوری نے عوام کے اراکین کو تقریب میں شرکت کی دعوت دی۔پریڈ کا مشاہدہ کرنے کیلئے مرد و خواتین سمیت شائقین سٹیڈیم کے باہر قطار میں کھڑے نظر آئے۔یوم جمہوریہ کے موقع پر انٹرنیٹ کی معطلی کے بغیر، ماضی کی روایات سے ہٹ کر امسال بھاری تعداد میں لوگوں نے شرکت کیوادی کے دوسرے اضلاع میں یوم جمہوریہ کی تقریب انعقاد کئے گئے جس میں ڈسڑکٹ بڈگام، کپواڑہ، کولگام، پلوامہ، شوپیان، اونتی پورہ، بارہ مولہ، اننت ناگ، سوپور، اور ہندواڑہ میں بھی75یومہ جمہوریہ کے موقعہ پر قومی جھنڈا لہرایا گیا اور پریڈ پر سلامی لی گئی۔ ان تقریبات میں اسکولوں اور کالجوں سے وابستہ طلبہ وطالبات نے رنگا رنگ کلچرل پروگرام پیش کئے۔