سری نگر۔۔۔۔انفو۔۔۔۔۔۔۔۔صوبائی کمشنر کشمیروِجے کمار بدھوری نے رکھہِ ارتھ ہاﺅسنگ کالونی بمنہ سری نگر کے ترقیاتی اَمور پر تبادلہ خیال کرنے کے لئے افسروں کی ایک میٹنگ طلب کی۔میٹنگ میں کمشنر ایس ایم سی اور وی سی ایس ڈی اے ڈاکٹر اویس احمد نے، وائس چیئرمین بشیر احمد، سیکرٹری ایل سی ایم اے گلزار احمد، ناظم سکولی تعلیم کشمیر تصدق حسین، چیف اِنجینئر (ڈی) کے پی ڈی سی ایل سندیپ سیٹھ، اے ڈی سی سری نگر، جے ٹی کمشنر ایس ایم سی، سینئر منیجرجے کے ہاو¿سنگ بورڈ، ایگزیکٹیو اِنجینئر ایل سی ایم اے اور اے ای ای پی ایچ ای، اے ای ڈبلیو ایس ایم پی پی ایچ ای نے شرکت کی۔ضلع ترقیاتی کمشنر بڈگام نے بذریعہ ورچیول موڈ میٹنگ میں حصہ لیا کی۔میٹنگ کے آغاز میں متعلقہ افسران نے صوبائی کمشنر کشمیر کو مذکورہ کالونی میں شروع کئے گئے ترقیاتی منصوبوں کے بارے میں جانکاری دی جس میں سکول، ہسپتال، پارک، واٹر سپلائی، بجلی، سڑکیں، صفائی ستھرائی وغیرہ شامل ہیں۔میٹنگ کو بتایا گیا کہ سکول کی عمارت مکمل ہو چکی ہے اور اسے اس سیشن سے فعال کیا جائے گا۔میٹنگ میں یہ بھی بتایا گیا کہ اس علاقے کو سکھ ناگ واٹر سپلائی سکیم سے پانی دیا جاتا ہے اور اسے مزید بڑھانے کے لئے ٹیوب ویلوں کے ذریعے واٹر سپلائی کو بہتر بنایا جائے گا۔بجلی کے حوالے سے میٹنگ میں بتایا گیا کہ بجلی میں اِضافہ کیا جائے گا کیوںکہ ڈی پی آر کا رِی اپریزل بھی جمع کیاگیا ہے۔صوبائی کمشنر کشمیر نے علاقے میں مناسب صفائی کو یقینی بنانے کے لئے ایس ایم سی کو سالڈ ویسٹ مینجمنٹ کے لئے ٹینڈر جاری کرنے کی ہدایت دی۔صوبائی کمشنر نے علاقے میں تجاوزات کا سختی سے نوٹس لیا اور متعلقہ حکام کو فوری طور پرتجاوزات ہٹانے کی ہدایت دی۔
صوبائی کمشنر کشمیر نے رکھہِ ارتھ ہاﺅسنگ کالونی بمنہ کی ترقیاتی اَمور پر تبادلہ خیال کیا
