جھاروکھا باغ مانسبل میں ہوم سٹی کلسٹر کا افتتاح ۔ مانسبل فیسٹیول 2022 کا اعلان
پانی کے کھیلوں کی کئی سرگرمیوں ، ماؤنٹین بائیک مہم ، اینگلنگ مقابلے وغیرہ کو جھنڈی دکھائی
گاندر بل//انفو//وادی کشمیر میں سیاحوں کی بڑھتی ہوئی تعداد کے پیش نظر انتظامیہ ہوم سٹے اقدام کے ذریعے رہائش کی بڑھتی ہوئی مانگ کیلئے 50 ہزار کمروں کی دستیابی کیلئے پرعزم ہے ۔ یہ بات جموں و کشمیر کے چیف سیکرٹری ڈاکٹر ارون کمار مہتا نے یہاں جھاروکھا باغ میں ہوم سٹے کلسٹر کا افتتاح کرتے ہوئے کہی ۔
اس موقع پر سیکرٹری سیاحت سرمد حفیظ ، منیجنگ ڈائریکٹر جے اینڈ کے ٹورازم ڈیولپمنٹ کارپوریشن سید فخر الدین حامد ، چئیر مین ضلعی ترقیاتی کونسل نزہت اشفاق ، ڈپٹی کمشنر گاندر بل شیامبیر ، ڈائریکٹر ٹورازم کشمیر جی این ایتو ، چیف ایگزیکٹو آفیسر وُلر مانسبل ڈیولپمنٹ اتھارٹی اور دیگر متعلقہ افراد بھی موجود تھے ۔ اس بات کو برقرار رکھتے ہوئے کہ جموں و کشمیر میں گذشتہ سال کے مقابلے میں اس سال سیاحت میں کئی گنا اضافہ ہوا ہے ۔
ڈاکٹر مہتا نے کہا کہ وادی میں سیاحوں کی اس زبردست آمد کے فوائد سبھی ، خاص طور پر مختلف سیاحتی مقامات کے مقامی لوگوں کو حاصل ہونے چاہئیں ۔ ڈاکٹر مہتا نے جھاروکھا باغ میں ہوم سٹے کلسٹر کے ایک مالک کے ساتھ بات چیت کرتے ہوئے کہا ’’ سیاحوں کی اس بڑھتی ہوئی تعداد کیلئے سہولیات کو پورا کرنے کیلئے یو ٹی انتظامیہ مختلف سیاحتی مقامات پر مقامی آبادی کی حوصلہ افزائی ، رہنمائی اور مدد کر رہی ہے ۔
انہوں نے امید ظاہر کی کہ مختلف سیاحتی مقامات پر ہوم سٹے پہل کے ذریعے تقریباً 50 ہزار کمرے دستیاب کرائے جائیں گے جس کیلئے جموں و کشمیر کے دیگر اضلاع میں پہلے ہی 75 مقامات کی نشاندہی کی جا چکی ہے ۔ انہوں نے کہا کہ یہ صرف ایک شروعات ہے ۔ انہوں نے مزید کہا کہ جموں و کشمیر سے باہر کے بہت سے لوگ جموں و کشمیر کا دورہ کرنے کیلئے تیار ہیں اور ہوم سٹے اقدام ان کو اس خوبصورت جگہ کا دورہ کرنے کا مثبت پیغام دے گا ۔
اس موقع پر گفتگو کرتے ہوئے سیکرٹری سیاحت سرمد حفیظ نے کہا کہ مانسبل جلد ہی جموں و کشمیر کا سب سے زیادہ مطلوب مقام بن جائے گا ۔ بعد ازاں چیف سیکرٹری نے مختلف واٹر اسپورٹس اور دیگر سرگرمیوں کو جھنڈی دکھاتے ہوئے مانسبل فیسٹیول 2022 کا اعلان کیا ۔ انہوں نے واٹر سپورٹس کی سرگرمیوں جیسے واٹر اسکیٹنگ ، کیکنگ ، زور بنگ ، جیٹ اسکینگ واٹر کو جھنڈی دکھا کر اینگلنگ مقابلے کا افتتاح کیا ۔ انہوں نے واٹر زور بنگ ، کیلے کی کشتی ، پیڈل بوٹس اور دیگر تفریحی سرگرمیوں کا مظاہرہ بھی دیکھا ۔ اس موقع پر انہوں نے ماؤنٹین سائیکلنگ مہم کو بھی جھنڈی دکھا کر روانہ کیا ۔
