لیفٹیننٹ گورنر کا قومی تعلیمی پالیسی۔ 2020 کے قومی سمینار سے خطاب

لیفٹیننٹ گورنر کا قومی تعلیمی پالیسی۔ 2020 کے قومی سمینار سے خطاب
وارانسی/ انفو/لیفٹیننٹ گورنر منوج سِنہا نے وارانسی کے مہاتما گاندھی کاشی ودیا پیٹھ میں ” قومی تعلیمی پالیسی۔2020 اور اِمکانات کی تلاش “ کے موضوع پر قومی سمینار سے خطاب کیا۔لیفٹیننٹ گورنر نے قومی تعلیمی پالیسی کے مختلف پہلوﺅں پر روشنی ڈالی اور مستقبل کے کام کی جگہ کے چیلنجوں سے نمٹنے کے نظریہ¿ کا اِشتراک کیا۔اُنہوں نے کہا،” وزیر اعظم نریندر مودی جی کی رہنمائی میں قومی تعلیمی پالیسی ۔2020 نے تعلیم میں تبدیلی لانے والے اِصلاحات لائی ہیں۔ قومی تعلیمی پالیسی نے اِس بات کو یقینی بنایا ہے کہ تعلیمی نظام 21ویں صدی کے چیلنجوں کا مقابلہ کرے اور نوجوانوں کو ملازمت کے متلاشی کے بجائے روزگاردینے والا بننے کے قابل بنائے۔“لیفٹیننٹ گورنر نے کہا کہ قومی تعلیمی پالیسی طلباءکی جامع ترقی کے لئے علم ، اِختراع اور آزادانہ سوچ کی حوصلہ اَفزائی کرتی ہے۔ اُنہوں نے کہا کہ ہندوستانی علمی روایت پر زور دینے اور عالمی نقطہ نظر سیکھنے کو زندگی بھر کا عمل بناتا ہے ۔اُنہوں نے کہا کہ آرٹیفیشل اِنٹلی جنسی میں تازہ ترین ایجادات چوتھے صنعتی اِنقلاب پر زیادہ اثر ڈالیں گی۔اُنہوں نے کہاکہ آٹومیشن دُنیا بھر میں کام کی جگہوں کو تبدیل کر رہی ہے ۔ اِس لئے نوجوانوں کو صنعت کی بدلتی ہوئی ضروریات کے مطابق ڈھالنے کے لئے رِی سکلنگ ، ٹیک اَپ سکلنگ اور ذہنی اِختراع کی ضرورت ہوگی۔لیفٹیننٹ گورنر نے یونیورسٹیوں اور تعلیمی اِداروں پر زور دیا کہ وہ نوجوانوں کو بااِختیار بنانے کے لئے 6سی۔تجسس ، اِنتخاب ، اشتراک ، تخلیقی صلاحیت ، مواصلات اور تنقیدی سوچ پر توجہ دیں ۔اُنہوں نے مزید کہا کہ ہمارے کیمپس اور کلاس روموں میں دُنیا کو متاثر کرنے والی تبدیلیوں اور مسائل کی عکاسی کرنی چاہیے۔لیفٹیننٹ گورنر نے کثیر الشعبہ تعلیم کے فوائد پر بھی اَپنے خیالات کا اِظہار کیا ہے۔اُنہوں نے کہا،” تعلیم ہماری روح کی پرورش کرتی ہے ۔ قومی تعلیمی پالیسی زندگی اور زندگی میں توازن قائم کرنے اور زندگی بھر سیکھنے کے عمل کی خواہش کو اُبھارنے پر زور دیتا ہے ۔ حقیقی معنوں میں حقیقی تعلیم وہیں سے شروع ہوتی ہے جہاں سے نصاب ختم ہوتا ہے اور ایک طالب علم اَپنے آپ کو دریافت کرنا شروع کرتا ہے۔“اُنہوں نے کہا کہ ہماری قومی تعلیمی پالیسی کا مقصد اعلیٰ تعلیمی اِداروں کو علمی مرکز کے طور پر تبدیل کرنا ہے جو متحرک کمیونٹیز تخلیق کر یں گے ۔ نظم و ضبط کے درمیان تفاوت کو ختم کرنا، طلباءکی فنکارانہ تخلیقی نشو و نما کو قابل بنانا ہے ۔ اُنہوں نے کہا کہ تحقیق اور اختراع کو فروغ دیں تعلیم کو مزید جامع بنائیں۔لیفٹیننٹ گورنر نے مزید کہا کہ جیسا کہ ہم کثیر الضابط تعلیم کی طرف بڑھ رہے ہیں ۔ یہ ضروری ہے کہ ہم ٹیکنالوجی کے تفاوت کو ختم کرنے پر توجہ مرکوز کریں اور اَپنے کیمپس کو ہنر کی نرسری بنائیں جو ہندوستان کی علمی معیشت میں بہت زیادہ حصہ اَدا کریںگے۔اُنہوں نے جموںوکشمیر یوٹی میں قومی تعلیمی پالیسی ۔2020 کو عملی جامہ پہنانے کی کوششوں کا بھی اِشتراک کیا۔اِس موقعہ پر وائس چانسلر مہاتما گاندھی کاشی ودیا پیٹھ وارانسی پروفیسر آنند کمار تیاگی ، سربراہان، فیکلٹی ممبران ، ریسورس پرسن اور طلبا ءکی کثیر تعداد موجود تھی۔