’ممبئی دہشت گردانہ حملے ناقابل فراموش ‘

’ممبئی دہشت گردانہ حملے ناقابل فراموش ‘
یہ صرف ممبئی پر حملہ نہیں تھابلکہ بین الاقوامی برادری پر حملہ تھا:وزیرخارجہ ایس جئے شنکر
سری نگر۸۲،اکتوبرجے کے این ایس وزیرخارجہ سبھرامنیم جئے شنکر نے ”ممبئی دہشت گردانہ حملے کوناقابل فراموش “قرار دیتے ہوئے جمعے کوکہاکہ یہ صرف ممبئی پر حملہ نہیں تھابلکہ یہ بین الاقوامی برادری پر حملہ تھا۔انہوںنے دہشت گردی کے خاتمے کیلئے بین الااقوامی سطح پر یک زبان ہونے اوراشتراک عمل کوناگزیر قرار دیتے ہوئے کہاکہ 14سال گزرجانے کے باوجود بھی دہشت گردانہ حملے کے کلیدی سازشی اور منصوبہ ساز بدستور محفوظ اورغیر سزا یافتہ ہیں۔خیال رہے 26نومبر2008کوبھارت کاتجارتی دارالخلافہ اورفلمی شہر ممبئی اُسوقت دہل اُٹھا تھا ،جب یہاںیکے بعددیگر ے ہوئے متعدددھماکوں اورفائرنگ کے واقعات میں 9حملہ آوروں سمیت175افراد ہلاک اور300سے زیادہ زخمی ہوگئے تھے ۔اقوام متحدہ کی سلامتی کونسل کی انسداد دہشت گردی کمیٹی کے خصوصی اجلاس کا پہلا حصہ جمعے کوممبئی کے ہوٹل تاج محل پیلس میں منعقدا ہواجبکہ خوفناک دہشت گردانہ حملوں کی زدمیں آنے والے اہم مقامات میں سے ایک پر پھولوں کی چادر چڑھانے کی تقریب بھی منعقد ہوئی۔تاج ہوٹل میں اقوام متحدہ کی سلامتی کونسل(UNSC) کے 2روزہ اجلاس سے خطاب کرتے ہوئے، وزیرخارجہ جے شنکر نے کہاکہ بھارتی پولیس فورسز کے 18 ارکان، تاج ہوٹل کے عملے کے 12 ارکان اور سیکورٹی ڈیوٹی کے دوران شہید ہوئے،اور ہم یادگار جگہ پر انہیں خراج عقیدت پیش کرتے ہیں۔انہوں نے کہاکہ ہم ان کی بہادری اور ان کے عزم کو سلام پیش کرتے ہیں۔اپنی تقریر میں، وزیرخارجہ سبھرامنیم جئے شنکرنے نشاندہی کی کہ یہ صرف ممبئی پر حملہ نہیں تھا، یہ بین الاقوامی برادری پر حملہ تھا۔انہوںنے کہاکہ مخصوص ممالک کی قوموں کو قتل کرنے سے پہلے شناخت کیا جاتا تھا۔ اس کے نتیجے میں، دہشت گردی سے نمٹنے کےلئے اقوام متحدہ کے ہر رکن ریاست کے عزم کو عوامی سطح پر چیلنج کیا گیا۔اقوام متحدہ کے ارکان سے خطاب کرتے ہوئے وزیر خارجہ نے کہا کہ ہمیں مل کر یہ پیغام دینا چاہیے کہ عالمی برادری دہشت گردوں کا احتساب کرنے اور انصاف کی فراہمی سے کبھی دستبردار نہیں ہوگی۔وزیرخارجہ سبھرامنیم جئے شنکر نے ”ممبئی دہشت گردانہ حملے کوناقابل فراموش “قرار دیتے ہوئے کہاکہ ممبئی دہشت گردانہ حملوں کے کلیدی سازش کار اور منصوبہ ساز بدستور محفوظ اورغیر سزا یافتہ ہیں۔انہوں نے کہاکہ اقوام متحدہ کی سلامتی کونسل (یو این ایس سی) افسوسناک طورپرکچھ معاملات میں”سیاسی وجوہات“ کی وجہ سے کچھ دہشت گردوں کو کالعدم قرار دینے سے قاصر رہی ہے۔انہوں نے کہا کہ 26نومبر2008کے دہشت گردانہ حملوں کے اہم سازشی اور منصوبہ ساز بدستور محفوظ اور غیرسزا یافتہ ہیں۔جے شنکر نے کہا کہ یہ اجتماعی اعتبار اور اجتماعی مفاد کو مجروح کرتا ہے۔جے شنکر نے کہا کہ حیران کن دہشت گردانہ حملہ نہ صرف ممبئی پر بلکہ بین الاقوامی برادری پر حملہ تھا۔انسداد دہشت گردی کمیٹی (سی ٹی سی) کی نئی دہلی کی سربراہی میں اقوام متحدہ کی سی ٹی سی کا اجلاس بالترتیب 28 اکتوبر اور 29 اکتوبر کو ممبئی اور نئی دہلی میں ہو رہا ہے۔