منوج سنہا کی کھیل شائقین کو مبارک باد

منوج سنہا کی کھیل شائقین کو مبارک باد
سری نگر// 29 اگست// یو این آئی//جموں وکشمیر کے لیفٹیننٹ گورنر منوج سنہا نے منگل کے روز کھیلوں کے قومی دن کے موقع پر کھیل شائقین کو مبارک باد پیش کی ہے۔انہوں نے کہا کہ ہاکی کے جادو گر میجر دھیان چند کی مثالی سپورٹس مین شپ، غیر متزلزل عزم اور ان کا ہنر ہمیشہ کھیلوں کی دنیا کو متاثر کرتا رہے گا۔بتادیں کہ ملک میں کھیلوں کا قومی دن ہر سال 29 اگست کو ہاکی کے عظیم کھلاڑی میجر دھیان چند کے یوم پیدائش کے موقع پر منایا جاتا ہے۔ان کا شمار ہندوستان کے سب سے عظیم کھلاڑیوں میں کیا جاتا ہے جنہوں نے سال 1928، 1932 اور 1936 میں ملک کے لئے تین اولمپک گولڈ میڈل حاصل کئے۔منوج سنہا نے کو ٹویٹ کرکے کہا: ‘کھیلوں کے قومی دن پر تمام کھیل شائقین کو مبارک، ہاکی کے جادو گر میجر دھیان چند جی کو ان کے یوم پیدائش پر خراج عقیدت پیش کرتا ہوں’۔ان کا ٹویٹ میں مزید کہنا تھا: ‘ ان کی مثالی سپورٹس مین شپ، غیر متزلزل عزم اور ان کا ہنر ہمیشہ کھیلوں کی دنیا کو متاثر کرتا رہے گا’۔