ڈیلیوری ہونی چاہیے، ڈرامہ نہیں/نریندر مودی

سری نگر….یکم…….،دسمبر….جے کے این ایس….. وزیر اعظم نریندر مودی نے پارلیمنٹ کے سرمائی اجلاس سے قبل اپوزیشن کو پیغام دیتے ہوئے کہا کہ ایوان میں کوئی ڈرامہ نہیں چلے گا۔انہوںنے اپوزیشن پر طنز کرتے ہوئے کہاکہ کچھ پارٹیاں بہار الیکشن کی شکست کو ہضم نہیں کر سکتیں۔ جے کے این ایس مانٹرینگ ڈیسک کے مطابق وزیر اعظم نریندر مودی نے پارلیمنٹ کے سرمائی اجلاس سے قبل پیر کو ایک پریس کانفرنس سے خطاب کرتے ہوئے اپوزیشن جماعتوں پر زور دیا کہ وہ عوام کےلئے نتیجہ خیز اجلاس چلانے پر توجہ دیں۔وزیر اعظم نے اپوزیشن پر طنز کرتے ہوئے کہا کہ وہ بہار کے انتخابات میں اپنی حالیہ شکست کی وجہ سے پریشان لگ رہے ہیں۔ انہوں نے ان پر زور دیا کہ وہ اپنے اختلافات کو حل کریں اور اس بات کو یقینی بنانے کےلئے کام کریں کہ پارلیمنٹ میں اچھی پالیسی اور قوانین پاس ہوں تاکہ مانسون اجلاس کی طرح یہ اجلاس بھی ضائع نہ ہو۔وزیر اعظم مودی نے کہا کہ میں سب سے درخواست کروں گا کہ ہر کوئی موجودہ مسائل کے بارے میں سوچے۔انہوںنے اپوزیشن پرنشانہ ساندھتے ہوئے کہاکہ ڈرامہ کرنے کےلئے بہت سی جگہیں ہیں، جو کوئی بھی ڈرامہ کرنا چاہتا ہے، کر سکتا ہے، یہاں ڈرامہ نہیں، ڈیلیوری ہونی چاہیے۔وزیر اعظم مودی نے کہا کہ جو کوئی بھی نعرے لگانا چاہتا ہے، اس کے لیے پورا ملک پڑا ہے۔ آپ نے بہار الیکشن میں شکست کے دوران یہ بات پہلے ہی کہہ چکے ہیں، لیکن یہاں نعروں پر نہیں بلکہ پالیسی پر توجہ ہونی چاہیے۔انہوں نے کہا کہ ہو سکتا ہے کہ سیاست میں منفی کام کریں، لیکن آخر میں قوم کی تعمیر کےلئے مثبت سوچ کی ضرورت ہوتی ہے۔وزیر اعظم نریندر مودی کاکہناتھاکہ منفیت کو ایک طرف رکھ کر قوم کی تعمیر پر توجہ دینی چاہیے۔اپوزیشن سے ضروری اور مضبوط ایشوز اٹھانے کا مطالبہ کرتے ہوئے انہوں نے کہا کہ انہیں لگتا ہے کہ پارٹیاں بہار میں اپنی حالیہ شکست کے صدمے سے نکل سکتتی تھیں، لیکن یہ واضح ہے کہ وہ ابھی تک ان سیٹلڈ ہیں۔انہوں نے کہاکہ اپوزیشن کو بھی پارلیمنٹ میں مضبوط اور ضروری ایشوز اٹھانے چاہیں۔ انہیں انتخابی شکست سے کی پریشانی سے باہر نکلنا چاہیے اور حصہ لینا چاہیے۔وزیر اعظم نریندر مودی نے کہاکہ میں نے سوچا تھا کہ چونکہ بہار انتخابات کو کافی وقت ہو گیا ہے، اس لئے انہوں نے خود کو سنھال لیا ہوگا، لیکن کل ایسا لگا کہ شکست نے ان پر صاف طور پر اثر ڈالا ہے۔انہوں نے تمام جماعتوں پر زور دیا کہ سرمائی اجلاس ہار سے پیدا ہونے والی مایوسی کا میدان نہیں بننا چاہیے اور نہ ہی فتح سے پیدا ہونے والے گھمنڈ کا اکھاڑا بننا چاہیے۔ مودی نے کہا،اس سیشن میں اس بات پر توجہ مرکوز کرنی چاہیے کہ پارلیمنٹ ملک کے لیے کیا سوچ رہی ہے، پارلیمنٹ ملک کے لیے کیا کرنا چاہتی ہے، اور کیا کرنے جا رہی ہے۔ انہوںنے کہاکہ اپوزیشن کو بھی اپنی ذمہ داری پوری کرنی چاہیے اور بحث میں مضبوط مسائل اٹھانے چاہیں۔وزیر اعظم نریندر مودی نے کہاکہ یہ سرمائی اجلاس صرف ایک رسم نہیں ہے، بلکہ ملک کو تیزی سے ترقی کی طرف لے جانے کی کوششوں میں توانائی پیدا کرنے کا ایک طریقہ ہے۔انہوںنے مزیدکہاکہ ہندوستان نے جمہوریت کی زندگی گزاری ہے اور جمہوری عمل کے تئیں اپنے جوش و خروش کا اظہار کیا ہے جس سے جمہوریت پر اعتماد مضبوط ہوتا ہے۔وزیر اعظم نریندر مودی نے کہاکہ نے کہا کہ دنیا ہندوستان کی جمہوری پیش رفت کو قریب سے دیکھ رہی ہے اور قوم نے ثابت کر دیا ہے کہ ”جمہوریت ڈیلیور کر سکتی ہے“۔انہوںنے کہاکہ گزشتہ کچھ دنوں میں بہار میں ہونے والے انتخابات میں ووٹروں کا زبردست ٹرن آو¿ٹ جمہوریت کی سب سے بڑی طاقت رہا ہے۔ خواتین کی شراکت میں بھی اضافہ ہو رہا ہے، جس سے امید اور اعتماد کی لہر دوڑ رہی ہے۔ وزیر اعظم نریندر مودی نے کہاکہدنیا جمہوری اور اقتصادی نظام کی مضبوطی کو قریب سے دیکھ رہی ہے۔ ہندوستان نے ثابت کر دیا ہے کہ جمہوریت ڈیلیور کر سکتی ہے۔انہوں نے مزید کہا کہ جس رفتار سے ہندوستان کی اقتصادی حیثیت نئی کامیابیاں حاصل کر رہی ہے وہ ہمیں نہ صرف وکشت بھارت کی قرارداد پر یقین دلاتی ہے بلکہ ہمیں اسے پورا کرنے کی طاقت بھی دیتی ہے۔یہ ریمارکس ایک ایسے وقت میں سامنے آئے ہیں جب اپوزیشن پہلے ہی اس بات پر مایوسی کا اظہار کر رہی ہے جسے وہ مختصر دورانیے کی بحث کے یکطرفہ شیڈولنگ کہتی ہے۔ مانسون سیشن میں بھی بہار میں اسپیشل انٹینسیو ریویو (SIR) کے عمل پر احتجاج کے درمیان کم پیداواری صلاحیت دیکھی گئی۔بہار اسمبلی انتخابات میں اپوزیشن کی شکست کا ذکر کرتے ہوئے وزیر اعظم نے کہاکہ میں نے سوچا تھا کہ جب سے بہار کے انتخابات ختم ہوئے ہیں، حالات بدل گئے ہوں گے، تاہم، میں نے ان کی بیان بازی سنی، اور اب مجھے یہ خیال آتا ہے کہ ان کی شکست انہیں ابھی تک پریشان کر رہی ہے۔اس بات پر زور دیتے ہوئے کہ سرمائی اجلاس میں،ہار کی مایوسی کو توجہ کا مرکز نہیں بننا چاہئے اور اسے فتح کے فخر میں بھی تبدیل نہیں ہونا چاہئے۔ مودی نے کہاکہ عوامی نمائندوں کے طور پر، ہمیں ہم وطنوں کی ذمہ داری اور توقعات کو توازن کے ساتھ آگے بڑھانا چاہیے۔ یہ ایک مشکل کام ہے، لیکن ہمیں اسے کرنا چاہیے۔پارلیمنٹ میں اکثر ہنگامہ آرائی اور نعرے بازی کا سہارا لینے والی اپوزیشن پارٹیوں کو مزید نشانہ بناتے ہوئے وزیراعظم مودی نے کہا کہ ڈرامہ کرنے کی بہت سی جگہیں ہیں، جو بھی کرنا چاہتا ہے وہ اسے جاری رکھ سکتا ہے، یہاں ڈیلیوری ہونی چاہیے ڈرامہ نہیں، نعروں کے لیے بھی پوری قوم موجود ہے؛ نعرے لگاو¿ جہاں چاہو گے، جہاں چاہو گے وہاں ہار جاو¿ گے۔ تاہم، یہاں پر توجہ پالیسی پر مرکوز ہونی چاہیے، نعروں پر نہیں۔انہوں نے مزید کہا کہ سیاست میں منفی کا فائدہ ہو سکتا ہے، لیکن قوم کی تعمیر کے لیے مثبت سوچ ضروری ہے۔ وزیراعظم نے کہاکہ مجھے امید ہے کہ آپ منفی کو حدود میں رکھیں اور قوم کی تعمیر پر توجہ دیں۔(ایجنسیاں)