جموں….انفو….وزیر برائے جل شکتی ، جنگلات و ماحولیات اور قبائلی امور مسٹر جاوید احمد رانا نے میر کالج آف ایجوکیشن کے سالانہ انعامی تقریب میں شرکت کی ۔ یہ پروگرام طلبہ کی مختلف شعبوں میں نمایاں صلاحیتوں ، لگن اور کامیابیوں کا جشن منانے کیلئے منعقد کیا گیا تھا ۔ مہمانِ خصوصی کے طور پر وزیر موصوف نے تعلیمی ، تحقیقی ، نصابی سرگرمیوں ، کھیلوں اور کمیونٹی سروس میں نمایاں کاکردگی دکھانے والے تمام ایوارڈ یافتہ طلبہ کو دل کی گہرائیوں سے مبارکباد پیش کی ۔ انہوں نے ان کی استقامت ، جذبے اور عزم کو سراہا اور کہا کہ ان کی کامیابیاں دوسرے طلبہ کیلئے ایک زبردست ترغیب کا باعث ہیں ۔ اپنے خطاب میں مسٹر رانا نے طلبہ کو حوصلہ دیا کہ وہ حدود کو مسلسل آگے بڑھاتے رہیں اور ہمیشہ تجسس کے ساتھ سیکھنے والے بنیں ۔ انہوں نے طلبہ پر زور دیا کہ وہ جدید خیالات پیش کریں ، چیلنجز کا ڈٹ کا مقابلہ کریں اور زندگی کے ہر شعبے میں کمال کی طرف بڑھیں ۔ انہوں نے نوجوانوں کے قوم کی تعمیر میں کردار کو اجاگر کیا اور اپنے علم و ہنر کو معاشرتی ترقی کیلئے استعمال کرنے کی اہمیت پر روشنی ڈالی ۔ وزیر موصوف نے ایم آئی ای آر کالج کی تعریف کی کہ اس نے ایک پرورش بخش اور مستقبل کی طرف دیکھنے والا تعلیمی ماحول پیدا کیا ہے ۔ انہوں نے فیکلٹی اور عملے کی لگن کو سراہا جو طلباءکی تعلیمی ، ذاتی اور اخلاقی ترقی کو یقینی بنانے کیلئے کی جا رہی ہے ۔رانا نے کالج کے جدید انفراسٹرکچر اور تعلیمی ٹیکنالوجی کے موثر انضمام کی بھی ستائش کی ۔ انہوں نے تمام طلباءکو نیک خواہشات پیش کیں اور تعلیمی ٹاپرز ، کمیونٹی مہم چلانے والوں ، کھیلوں میں عمدگی ، ماحولیاتی جنگجوو¿ں سمیت کئی دیگر کیٹیگریز میں انعامات تقسیم کئے ۔ اس سے قبل ایم سی ای کے پرنسپل پروفیسر آدِت گپتا نے استقبالیہ خطبہ پیش کیا ۔ انہوں نے کالج کی کامیابیوں اور مختلف شعبوں میں وسیع پیمانے پر سرگرمیوں کو اجاگر کیا ۔
رانا نے طلبہ کو جدت کو اپنانے اور چیلنجز پر قابو پانے کی ترغیب دی
