ہمیں شہریوں کی دہلیز پر خدمات فراہم کرنے کی ضرورت / وزیر اعظم مودی

سرینگر۔۔۔۔۔۔09دسمبر۔۔۔۔ ایس این این۔۔۔۔۔ حکومت کی اصلاحات مکمل طور پر شہریوں پر مرکوز ہیں کی بات کرتے ہوئے وزیر اعظم نریندر مودی نے کہا کہ نہ صرف اقتصادی یا آمدنی پر مرکوز ہیں۔ مقصد روزمرہ کی رکاوٹوں کو دور کرنا ہے تاکہ لوگ اپنی پوری صلاحیت تک پہنچ سکیں۔انہوں نے مزید کہا کہ ملک اب مکمل طور پر ’اصلاحی ایکسپریس ‘کے مرحلے میں ہے۔ سٹار نیوز نیٹ ورک کے مطابق وزیر اعظم نریندر مودی نے منگل کو این ڈی اے کی پارلیمانی پارٹی کے اجلاس سے خطاب کرتے ہوئے کہا کہ ملک اب ایک مکمل ”اصلاح ایکسپریس “کے مرحلے میں ہے، جہاں اصلاحات تیزی سے اور واضح ارادے کے ساتھ ہو رہی ہیں۔ اجلاس کے دوران وزیر اعظم مودی نے اس بات پر زور دیا کہ حکومت کی اصلاحات مکمل طور پر شہریوں پر مرکوز ہیں، نہ صرف اقتصادی یا آمدنی پر مرکوز ہیں۔ مقصد روزمرہ کی رکاوٹوں کو دور کرنا ہے تاکہ لوگ اپنی پوری صلاحیت تک پہنچ سکیں۔وزیر اعظم نے تمام اراکین پارلیمنٹ پر زور دیا کہ وہ عام لوگوں کو درپیش حقیقی مسائل کو فعال طور پر شیئر کریں، تاکہ ریفارم ایکسپریس ہر گھر تک پہنچ سکے اور روزمرہ کی مشکلات کو دور کیا جا سکے۔انہوں نے یہ بھی کہا کہ وہ 30سے 40صفحات کے فارموں اور غیر ضروری کاغذی کارروائیوں کے کلچر کو ختم کرنا چاہتے ہیں۔ اس بات پر زور دیتے ہوئے کہ ہمیں شہریوں کی دہلیز پر خدمات فراہم کرنے کی ضرورت ہے اور بار بار ڈیٹا جمع کرانے کو ختم کرنے کی ضرورت ہے۔وزیر اعظم نے مزید یاد دلایا کہ حکومت نے سیلف سرٹیفیکیشن کی اجازت دے کر شہریوں پر اعتماد کیااور اس بات پر زور دیا کہ اس ٹرسٹ نے بغیر غلط استعمال کے 10 سال تک کامیابی سے کام کیا ہے۔وزیر اعظم مودی نے اس بات پر زور دیا کہ زندگی میں آسانی اور کاروبار کرنے میں آسانی دونوں مودی کی قیادت والی این ڈی اے حکومت کی اولین ترجیحات ہیں۔پارلیمنٹ لائبریری بلڈنگ (پی ایل بی) کے جی ایم سی بالیوگی آڈیٹوریم میں پارلیمانی پارٹی کی میٹنگ میں این ڈی اے لیڈروں نے وزیر اعظم مودی کو مبارکباد دی۔ قومی جمہوری اتحاد کے رہنماو¿ں نے صبح اجلاس میں شرکت کیلئے ان کی آمد پر انہیں پھولوں کے ہار پہنائے۔مرکزی وزیر اشونی ویشنو، جے ڈی یو کے رکن پارلیمنٹ سنجے جھا، این سی پی کے رکن پارلیمنٹ پرفل پٹیل، مرکزی وزیر ایس جے شنکر، ایل مروگن اور دیگر قائدین نے بھی میٹنگ میں شرکت کی۔اس سے قبل ازیں، مرکزی پارلیمانی اور اقلیتی امور کے وزیر کرن رججو نے این ڈی اے کی پارلیمانی میٹنگ کے دوران انڈیگو ایئر لائنز کی کئی پروازیں منسوخ ہونے کے بعد پیدا ہونے والی افراتفری پر وزیر اعظم کی تشویش کو اجاگر کیا۔وزیر نے کہا کہ وزیر اعظم نے اس بات پر زور دیا کہ مسافروں کو تکلیف نہ ہو۔