سری نگر………….۳۱،دسمبر…….جے کے این ایس………لیفٹیننٹ گورنر نے ہفتہ کو کہا کہ اس سال ابتک خاندان کے 200 سے زائد افراد کو سرکاری ملازمتیں فراہم کی گئی ہیں۔جے کے این ایس کے مطابق ہفتہ کو لوک بھون آڈیٹوریم، سری نگر میں منعقدہ ایک تقریب کے دوران لیفٹیننٹ گورنر نے کہاکہ دہشت گردی کے متاثرین کے خاندان کے156 افراد کو مختلف اسکیموں کے تحت خود روزگار کے مواقع فراہم کئے گئے ہیں، جن میں مشن یووا، ہولیسٹک ایگریکلچر ڈیولپمنٹ پروگرام (ایچ اے ڈی پی) اور پرائم منسٹرز ایمپلائمنٹ جنریشن پروگرام (پی ایم ای جی پی) شامل ہیں۔ مزید یہ کہ دہشت گردی کے شکار خاندانوں کی جائیدادوں سے 17 تجاوزات ہٹا دی گئی ہیں۔گھر وںکی تعمیر نو کےلئے دہشت گردی کے شکار 36 خاندانوں کی نشاندہی کی گئی ہے۔انہوںنے کہاکہ مزید خاندانوں کی شناخت کی جائے گی اور اس عمل کو جاری رکھنے کے ساتھ ساتھ شامل کیا جائے گا۔ اوڑی اور کرناہ میں پاکستانی گولہ باری کی وجہ سے جن خاندانوں کے گھر تباہ ہوئے ان کے گھروں کی تعمیر نو کا کام اپریل میں شروع کیا جائے گا۔
200 سے زائد افراد کو ملازمتیں ملیں:156 افراد کو خود روزگار کے مواقع فراہم
