جموں/ 26 دسمبر /انفو/
’ویر بال دیوس‘ کے موقع پر لیفٹیننٹ گورنر جموں و کشمیر شری منوج سنہا نے صاحبزادوں، ماتا گجری جی اور سری گرو گوبند سنگھ جی کو شاندار خراجِ عقیدت پیش کیا۔انہوں نے کہا،“ہم صاحبزادوں کی بے مثال بہادری، قربانی اور جرا¿ت، ماتا گجری جی اور سری گرو گوبند سنگھ جی کی وابستگی کو یاد کرتے ہیں۔ ان کی زندگیاں اور تعلیمات تمام شہریوں کے لیے مشعلِ راہ ہیں۔”لیفٹیننٹ گورنر گوردوارہ ڈیگیانہ آشرم میں آل جموں کشمیر سکھ کوآرڈی نیشن کمیٹی کی جانب سے منعقدہ خصوصی شہیدی سماغم ’سفرِ شہادت‘ سے خطاب کر رہے تھے۔انہوں نے کہا،“ہمارے سکھ گروو¿ں کی عظیم قربانیاں ہمیں ملک کی یکجہتی اور سالمیت کو برقرار رکھنے کی تحریک دیتی ہیں۔ ہمیں ایک ایسا خوشحال ملک تعمیر کرنے کی سچی کوشش کرنی چاہیے جو اپنی گوناگونی میں متحد اور مضبوط ہو۔”انہوں نے مزید کہا کہ عقیدت، بہادری اور وقار سے لبریز سکھ روایت دراصل “ایک بھارت، شریشٹھ بھارت” کے جذبے کی حقیقی عکاس ہے۔انہوں نے کہا کہ سکھ گروو¿ں کی جانب سے دکھایا گیا راستہ جدید بھارت کی جامع ترقی کی بنیاد ہے اور ان کی وراثت آج بھی قوم کی تعمیر میں صفِ اول پر کام کرنے والوں کو طاقت فراہم کر رہی ہے۔لیفٹیننٹ گورنر نے کہا کہ وزیر اعظم نریندر مودی کی قیادت میں سکھ گروو¿ں کی وراثت کے تحفظ اور فروغ کے لیے تاریخی اقدامات کیے گئے ہیں۔انہوں نے کہا کہ 1984 کے سکھ مخالف فسادات کے متاثرین کو انصاف فراہم کیا گیا، سری ہرمندر صاحب کو ایف سی آر اے منظوری دی گئی جس سے دنیا بھر کی سنگت کو خدمت کا موقع ملا، کرتارپور صاحب کاریڈور، جلیانوالہ باغ میموریل کی تجدید اور سری گرو نانک دیو جی کی تعلیمات پر تعلیمی تحقیق کے فروغ جیسے اقدامات اس بات کو یقینی بناتے ہیں کہ عالمگیر بھائی چارے کا پیغام بھارت کے مستقبل کی رہنمائی کرتا رہے۔انہوں نے سکھ برادری کے تاریخی کردار اور سماجی امتیاز کے خاتمے کے لیے ان کی مسلسل کوششوں کی ستائش کی اور عوام سے اپیل کی کہ وہ سکھ گروو¿ں کی قربانیوں کا احترام کرتے ہوئے اتحاد اور ترقی پر مبنی معاشرے کی تشکیل کریں۔انہوں نے کہا،“ملک میں ایک نئی توانائی پیدا ہوئی ہے، آئیے آج عہد کریں کہ ہم متحد ہوکر اپنے خوابوں کے وکست بھارت کی تعمیر کے لیے مضبوطی سے کھڑے رہیں گے۔”لیفٹیننٹ گورنر نے بابا موتی رام مہرا اور ان کے خاندان کی شہادت کو بھی یاد کیا اور ان کی قربانی کو انسانی عزم اور وفاداری کی بہترین مثال قرار دیا۔آل جموں کشمیر سکھ کوآرڈی نیشن کمیٹی کے اراکین نے سکھ برادری کے دیرینہ مطالبات پورے کرنے پر لیفٹیننٹ گورنر کا شکریہ ادا کیا۔ اس موقع پر کمیٹی کے چیئرمین سردار اجیت سنگھ نے “ویر بال دیوس” کا نام تبدیل کرکے “صاحبزادے شہادت دیوس” رکھنے کا مطالبہ پیش کیا جس پر لیفٹیننٹ گورنر نے یقین دہانی کرائی کہ یہ مطالبہ حکومت ہند کو ارسال کیا جائے گا۔اس موقع پر لیفٹیننٹ گورنر نے آنند میرج ایکٹ کے تحت شادی رجسٹر کروانے والے ایک نو بیاہتا سکھ جوڑے کی بھی حوصلہ افزائی کی۔تقریب میں مہنت منجیت سنگھ، سردار اجیت سنگھ، آل جموں کشمیر سکھ کوآرڈی نیشن کمیٹی کے اراکین اور سکھ برادری کی ممتاز شخصیات موجود تھیں۔تقریب میں ڈاکٹر نریندر سنگھ رائنا، ایم ایل اے آر ایس پورہ جموں ساو¿تھ؛ شری رمیش کمار، ڈویڑنل کمشنر جموں؛ شری بھیم سین توتی، آئی جی پی جموں؛ شری شیو کمار شرما، ڈی آئی جی جموں-سامبا-کٹھوعہ رینج؛ ڈاکٹر راکیش منہاس، ڈپٹی کمشنر جموں اور پولیس و سول انتظامیہ کے سینئر افسران بھی موجود تھے۔
