سرینگر//سی این آئی//جموں کشمیر میں اسمبلی انتخابات کی سرگرمیوں کی ہلچل کے بیچ الیکشن کمیشن آف انڈیا کی ٹیم جموں کشمیر کے دورے پر ہیں اور یہاں وہ آج سے 29جولائی تک سرینگر اور جموں میں ضلع انتخابی افسروں ، الیکٹورل رجسٹریشن آفیسرس اور اسسٹنٹ الیکٹورل رجسٹریشن کے ساتھ بات چیت کریں گے ۔
اسی دوران چیف الیکٹورل آفیسر27 جولائی کو جموں کشمیر کے تمام ڈپٹی کمشنروں کے ساتھ اعلیٰ سطحی میٹنگ میں انتظامات کا جائزہ لیں گے۔ سی این آئی کے مطابق جموں کشمیر میں اسمبلی انتخابات کے انعقاد کیلئے تیاریاںزوروں پر ہے ۔ اس سلسلے کی ایک کڑی کے تحت الیکشن کمیشن آف انڈیا کی ایک اعلیٰ سطحی ٹیم ضلع انتخابی افسروں (ڈی ای اوز )، الیکٹورل رجسٹریشن آفیسرز (ای آر اوز ) اور اسسٹنٹ الیکٹورل رجسٹریشن کے ساتھ بات چیت اور تربیت کیلئے پانچ روزہ دورے پر جموں و کشمیر پہنچی ہے۔معلوم ہوا ہے کہ پانچ روزہ دورے جموں کشمیر کے دوران جموں اور سرینگر میں الگ الگ میٹنگیں منعقد ہو گی جس دوران تمام افسران سے انتخابی عمل کے بارے میں جانکاری لی جائے گی ۔
اسی دوران معلوم ہوا ہے کہ چیف الیکٹورل آفیسر27 جولائی کو جموں کشمیر کے تمام 20 ڈپٹی کمشنروں کے ساتھ انتظامات کا جائزہ لیں گے۔ذرائع نے بتایا کہ سی ای او ہردیش کمار 27 جولائی کی سہ پہر جموں و کشمیر کے تمام 20 ڈپٹی کمشنروں کے ساتھ ویڈیو کانفرنسنگ کے ذریعے جائزہ میٹنگ کریں گے۔ اگرچہ میٹنگ کے لیے کوئی ایجنڈا جاری نہیں کیا گیا ہے، ذرائع کے مطابق، خصوصی سمری پر نظرثانی کے جاری عمل اور 31 اکتوبر کو جموں کشمیر کے حتمی انتخابی فہرستوں کی اشاعت پر تبادلہ خیال کیا جائے گا۔ذرائع سے معلوم ہوا ہے کہ ’’الیکشن کمیشن آف انڈیا کی ٹیم نے ڈپٹی کمشنروں کے ساتھ بات چیت کی، جنہیں ڈسٹرکٹ الیکٹورل آفیسرس کے طور پر نامزد کیا گیا ہے، جبکہ اگلے چار دنوں میں ٹیم 26 اور 27 جولائی کو جموں جبکہ 28 اور 29 جولائی کو سرینگر میں ای آر ویز اور ای آر ایس سے ملاقات کریں گی۔
منگل کو ای سی آئی ٹیمیں کنونشن سینٹر جموں میں کشتواڑ، ڈوڈا اور رام بن اضلاع کے پہلے بیچ میں آٹھ ای آر اوز اور 42 ای آر اوز سے ملاقات کی ۔ آج یعنی 27 جولائی کو، ای سی آئی ٹیمیں ادھم پور، راجوری اور جموں کنٹونمنٹ سے پہلے بیچ میں نو ای آر اوز اور 28 ایروز سے ملیں گی، اس کے بعد دوسرے بیچ میں ریاسی اور جموں اضلاع سے 14 ای آر اوز اور 36 ایروز ملیں گی۔28جولائی کو کے آئی سی سی سرینگر میں الیکشن کمیشن کی ٹیم پہلے سیشن میں بارہمولہ اور بانڈی پورہ اضلاع کے 10 ای آر اوز اور 26 ایروز اور بادامی باغ چھاؤنی کے ساتھ تفصیلی تربیتی پروگرام کرے گی جبکہ دوسرے سیشن میں وہ کپواڑہ، گاندربل اور شوپیاں اضلاع کے 10 ای آر او اور 34 ایروز سے ملاقات کرے گی۔
