مرکزی جوائنٹ سیکرٹری ماہی پالن کا دورہ اننت ناگ
اننت ناگ/10اکتوبر/مرکزی جوائنٹ سیکرٹری ماہی پالن اور بھیڑ و پشو پالن ساگر مہرا نے ضلع اننت ناگ کا ایک تفصیلی دورہ کیا تاکہ پی ایم ایم ایس وائی سکیم کی عمل آوری کی صورتحال کے بارے میں معلومات حاصل کی جاسکیں۔ مرکزی جوائنٹ سیکرٹری کے ہمراہ جوائنٹ ڈائریکٹر فشریز ( جنوبی) اے ایم ٹاک کے علاوہ ضلع اننت ناگ کے محکمہ ماہی پروری کے دیگر اَفسران اور ملازمین بھی تھے۔اُنہوں نے اَپنے فیلڈ ٹور کے دوران درجنوں پرائیویٹ ٹراﺅٹ فریمنگ یونٹوں اور ہیچریوں کا دورہ کیا۔اُنہوں نے کسانوں سے تفصیلی اِستفساری گفتگو کی اور کسانوں کی ترقی سے بہت متاثر ہوئے ۔ اُنہوں نے مچھلی کی پیداوار بڑھانے کے لئے ان کے خود اِختراعی طریقوں کو سراہا۔اِس موقعہ پر کسانوں نے انہیں مختلف مطالبات سے آگاہ کیا جن میں ڈسٹرکٹ ہیڈ کوارٹر میں فش کلینکل لیبارٹری کا قیام اور فش پروسسنگ یونٹ شامل ہیں تاکہ بیماری سے نمٹنے اور اَپنی مچھلی کی پیداوار کو بغیر کسی نقصان اور خرابی کے طویل فاصلے تک لے جایا جاسکے۔مرکزی جوائنٹ سیکرٹری نے اُنہیں ہر قسم کی مدد کی یقین دہانی کی او رکہا کہ ضلع میں مچھلی کی پیداوار بڑھانے کے لئے فنڈس کی دستیابی اور اس کے درست استعمال کو یقینی بنایا جائے گا۔ مہمان خصوصی کو جوائنٹ ڈائریکٹر ( جنوبی ) اور ڈپٹی ڈائریکٹر فشریز اننت ناگ نے ماہی پالن کے لئے زیادہ سے زیادہ نوجوانوں کی حوصلہ اَفزائی کے لئے محکمہ کی طرف سے اُٹھائے جانے والے مختلف اقدامات کے بارے میںمعلومات فراہم کیں۔اُنہوں نے محکمہ کے کردار کی سراہنا کی اور محکمہ ماہی پالن کو مشورہ دیا کہ وہ پرائیویٹ فش فارمنگ کی سطح کو ممکنہ حد تک لے جانے کے لئے مزید جوش او رجذبے کے ساتھ کام کرے ۔ اُنہوں نے محکمہ سے یہ بھی کہا کہ وہ مارکیٹ تک رَسائی کے لئے پسماندہ ، آگے کے روابط اور کولڈ چین بنائے تاکہ یہ ایک صنعت بن سکے۔مرکزی جوائنٹ سیکرٹرینے کاشتکاروں او رمحکمہ پر زور دیا کہ وہ آر اے ایس جیسی فش فارمنگ کی جدید تکنیکوں کی حوصلہ اَفزائی کریں تاکہ پیداوار میں اِضافہ ہو اور اسے اِس سطح پر لایا جاسکے جہاں ہم ٹراﺅٹ کو ملک کے اَندر سپلائی کرنے اورملک سے باہر برآمد کرنے کی پوزیشن میں ہوں۔اُنہوں نے کسانوں کو پی ایم ایم ایس وائی سکیم ، پی ایم ایف ایم اِی سکیم اور ایف آئی ڈی ایف ( فشریز اِنفراسٹرکچر ڈیولپمنٹ فنڈ ) سے فائدہ اُٹھانے او ربہترین نتائج حاصل کرنے کا مشورہ دیا جو کسانوں کو خوشحالی کی منزل تک لے جائے گا۔
