لیفٹنٹ گورنر نے محکمہ محنت اور روزگار کی جائیزہ میٹنگ کی صدارت کی
سرینگر/ 17 اکتوبر /لیفٹنٹ گورنر منوج سنہا نے سول سیکرٹریٹ میں لیبر اینڈ ایمپلائمنٹ ڈیپارٹمنٹ کی ایک جائیزہ میٹنگ کی صدارت کی ۔ میٹنگ کے دوران لیفٹنٹ گورنر نے تمام افرادی قوت بشمول غیر منظم شعبے کے افراد کو دو لاکھ روپے کا انشورنس کوور دینے کی ہدایات جاریں کیں ۔ انشورنس کا کا پریمیم محکمہ محنت اور روزگار کے ذریعے برداشت کیا جائے گا ۔ لفٹینٹ گورنر نے کہا کہ حکومت غیر منظم شعبے میں افرادی قوت کیلئے سماجی اور اقتصادی انصاف کیلئے پرعزم ہے اور مزدوروں کے مفادات ، ان کی فلاح و بہبود ، صلاحیت کو بہتر بنانے کیلئے ضروری ہنر مندی کے تحفظ کیلئے ہر ممکن کوشش کی جا رہی ہے ۔ محکمہ کے کام کی تعریف کرتے ہوئے لیفٹنٹ گورنر نے زور دیا کہ خود روز گار اسکیموں کو پورا کرنے کیلئے سرشار کوششیں کی جائیں اور محکمے سے کہا کہ وہ جموں اور سرینگر میں ایک ایک میگا باب میلے کا انعقاد کرے ۔ جموں و کشمیر میں بانڈڈ لیبر اور چائیلڈ لیبر کا کوئی کیس نہ ہونے کو یقینی بنانے کیلئے محکمہ کی طرف سے اٹھائے گئے اقدامات کے بارے میں دریافت کرتے ہوئے لفٹینٹ گورنر نے محکمہ سے کہا کہ وہ اس بات کو یقینی بنائے کہ جموں و کشمیر کو بانڈڈ لیبر اور چائیلڈ لیبر سے پاک رکھا جائے ۔ انہوں نے غیر منظم افرادی قوت کیلئے ہیلپ لائن شروع کرنے کی ہدایت دی ۔ لفٹینٹ گورنر نے کہا ” محکمہ کو یقینی بنانا چاہئیے کہ غیر منظم کارکنوں کے استحصال کا کوئی معاملہ نہ ہو ۔ بدلتے ہوئے بازار کے حالات کے پس منظر میں روزگار کی مناسب منصوبہ بندی اور مزدوروں کی تعیناتی میں لچک ترجیح ہونی چاہئیے “ ۔ لفٹینٹ گورنر نے محکمہ لیبر اینڈ ایمپلائمنٹ کے سینئر افسران کو غیر منظم افرادی قوت اور ان کے بچوں کی بہبود اور مدد کیلئے متاثر کیا ۔ لفٹینٹ گورنر نے افسران کو ہدایت دی ” صحت ، حفاظت اور سماجی تحفظ کے فوائد جیسے مالی امداد اولین ترجیح ہونی چاہئیے ۔ محکمہ کو یہ بھی یقینی بنانا چاہئیے کہ بچوں کی تعلیم اور اسکالرشپ کیلئے ہر ممکن مدد کو ایک مقررہ وقت کے اندر بڑھایا جائے “۔ محکمہ کے روز گار کے شعبے کا جائیزہ لیتے ہوئے لفٹینٹ گورنر نے تمام محکموں کو ایک پلیٹ فارم پر لا کر اور موثر روزگار سے متعلق خدمات کیلئے ہم آہنگی سے کام کرتے ہوئے مربوط منصوبہ بندی پر زور دیا ۔ لفٹینٹ گورنر نے کہا کہ قومی ملازمت میلوں کے ذریعے روزگار کے مواقع فراہم کریں اور ہدف کی آبادی میں بیداری پیدا کرنے کیلئے آئی ای سی مہم شروع کی جانی چاہئیے ۔ لفٹینٹ گورنر نے محکمہ کو تمام غیر منظم افرادی قوت کی رجسٹریشن اور جے اینڈ کے ای پی ایف او کے تمام کھاتوں کو جلد از جلد سنٹرل ای پی ایف او میں منتقل کرنے کی ہدایت دی ۔ لفٹینٹ گورنر کو لیبر اینڈ ایمپلائمنٹ ڈیپارٹمنٹ کی کمشنر سیکرٹری محترمہ سریتہ چوہان نے پاور پوائینٹ پرذنٹیشن کے ذریعے محکمہ کے کام کاج اور کردار کے بارے میں آگاہ کیا ۔ اس موقع پر چیف سیکرٹری ڈاکٹر ارون کمار مہتا ، چیف ایگزیکٹو آفیسر /سیکرٹری جے اینڈ کے بلڈنگ اینڈ دیگر کنسٹرکشن ورکرز ویلفئیر بورڈ شیخ منیر الاسلام ، ڈائریکٹر ایمپلائمنٹ جے اینڈ کے مسٹر نثار احمد وانی ، لیبر کمشنر جموں و کشمیر شیخ عبلدالرشید وار کے علاوہ محکمہ کے دیگر متعلقہ افسران موجود تھے ۔
