مشیر بٹھناگر نے دوسری پازٹیو کشمیر فُٹ بال چیمپین شپ 2022 کا افتتاح کیا
سرینگر 17 اکتوبر /لفٹینٹ گورنر کے مشیر راجیو رائے بٹھناگر نے کہا کہ جموں و کشمیر کھیلوں کا پاور ہاوس ہے اور بالخصوص فُٹ بال کے میدان میں بے پناہ صلاحیتوں کا مالک ہے ۔ مشیر بٹھناگر نے ان باتوں کا اظہار یہاں ٹی آر سی سنتھیٹک ٹرف اسٹیڈیم میں پازیٹو کشمیر فُٹ بال چیمپین شپ 2022 کے دوسرے ایڈیشن کی افتتاحی تقریب کے دوران کیا ۔ اس ٹورنامنٹ کا انعقاد پازیٹو کشمیر نے جے اینڈ کے اسپورٹس کونسل کے اشتراک سے کیا ہے ۔ چیمپین شپ کی افتتاحی تقریب سے خطاب کرتے ہوئے مشیر بٹھناگر نے کہا کہ جموں و کشمیر میں قومی اور بین الاقوامی سطح ے کھیلوں کے مقابلوں کے انعقاد کی زبردست گنجائش ہے اور حکومت اس صلاحیت کو بروئے کار لانے اور قومی اور بین الاقوامی سطح کے کھیلوں کے مقابلوں کے انعقاد کے لئے پوری عزم کے ساتھ کام کر رہی ہے ۔ یہاں انہوں نے اس بات پر روشنی ڈالی کہ لفٹینٹ گورنر منوج سنہا کی قیادت میں موجودہ حکومت نے کھیلوں کے شعبے کو سب سے زیادہ ترجیح دی ہے اور نوجوانوں کی کھیلوں کی صلاحیتوں کو پروان چڑھانے کیلئے جموں و کشمیر میں بین الاقوامی معیار کا بنیادی ڈھانچہ تیار کیا جا رہا ہے ۔ مشیر نے مزید کہا کہ پچھلے تین برسوں میں حکومت نے جموں و کشمیر کی ہر پنچائت میں کھیل کے میدان قائم کئے ہیں تا کہ دیہی اور شہری علاقوں میں نوجوانوں کی چھپی ہوئی کھیلوں کی صلاحیتوں کو تلاش کیا جا سکے ۔ انہوں نے مزید کہا کہ آنے والے وقتوں میں جموں و کشمیر کے نوجوان بڑی تعداد میں قومی اور بین الاقوامی سطح کے کھیلوں کے مقابلوں میں نظر آئیں گے ۔ اس چیمپین شپ کے انعقاد کیلئے جے اینڈ کے اسپورٹس کونسل اور پازیٹو کشمیر کی تعریف کرتے ہوئے مشیر بٹھناگر نے کہا کہ اس طرح کے ایونٹس ہمارے نوجوانوں کی اسپورٹس ٹیلنٹ کو پروان چڑھانے میں بہت بڑا کردار ادا کرتے ہیں اور انہیں اپنی چھپی ہوئی صلاحیتوں کو ظاہر کرنے کیلئے پلیٹ فارم فراہم کرتے ہیں ۔
مشیر بٹھناگر نے دوسری پازٹیو کشمیر فُٹ بال چیمپین شپ 2022 کا افتتاح کیا
