بیک ٹو ولیج 4 کے آخری دن روہت کنسل نے ہٹ پنچائت کے مختلف علاقوں کا کیا دورہ

بیک ٹو ولیج 4 کے آخری دن روہت کنسل نے ہٹ پنچائت کے مختلف علاقوں کا کیا دورہ
کٹھوعہ انفوبیک ٹو ولیج 4 کے اختتامی دن پرنسپل سیکرٹری اطلاعات اور اعلیٰ تعلیم روہت کنسل نے کٹھوعہ ضلع کے پنچائت ہٹ کے مختلف علاقوں کا دورہ کیا تا کہ سرکاری اسکیموں کے نفاذ اور پنچائتوں میں ترقیاتی کاموں کی نگرانی کی جا سکے ۔ ایڈیشنل ڈپٹی کمشنر بسوہلی اجیت سنگھ کے علاوہ متعلقہ ضلع اور سیکٹورل افسران پرنسپل سیکرٹری کے ہمراہ تھے ۔ پرنسپل سیکرٹری نے دن بھر بیک ٹو ولیج 4 کی کارروائی کے دوران دون میں ایگریکلچر سیڈ اسٹور کا افتتاح کیا ، بابا بالک ناتھ مندر کے قریب آر ڈی ڈی کے کاموں کا آغاز کیا اور راشن ڈپو ، آنگن واڑی مراکز ، پرائمری اسکول دون کے کھیل کے میدان سمیت مختلف وارڈوں اور سہولیات کا معائینہ کیا ۔ اس کے علاوہ گرے پرویش تقریب میں بھی شرکت کی جہاں پی ایم اے وائی مستحقین کو مکانات الاٹ کئے گئے ۔ قبل ازیں روہت کنسل نے بال سبھا کے دوران بچوں سے بات چیت کی اور پنچائت میں دستیاب سہولیات کے بارے میں دریافت کیا ۔ انہوں نے جی ایچ ایس ایس ہٹ میں ڈیبیٹ ، کبڈی ، والی بال ، پینٹنگ کا بھی مشاہدہ کیا ۔ انہوں نے امبیکا ماتا مندر کے قریب قدرتی آبی ذخائیر کا بھی دورہ کیا تا کہ اس کی بحالی کے دائرہ کار تک رسائی حاصل کی جا سکے ۔ وزٹنگ آفیسر نے بزرگ شہریوں سے بھی بات چیت کی اور بڑھاپے کی پینشن کے اندراج کی صورتحال کے بارے میں دریافت کیا ۔ اس موقع پر خطاب کرتے ہوئے روہت کنسل نے کہا کہ حکومت نے سرپرست کی ذمہ داری وزٹنگ آفیسر کو سونپی ہے جو پنچائت کے ترقیاتی پروفائل کا باقاعدہ جائیزہ لیتے رہیں گے ۔